Multibagger Stock: ఒక్క రోజే 18 శాతం పెరిగిన స్టాక్.. నోమురా వాటాల కొనుగోలుతో గరిష్ఠాలకు స్టాక్..

Multibagger Stock: సాధారణంగా పెట్టుబడి నిర్ణయం తీసుకోవటానికి అనేక సూచీలను పరిగణలోకి తీసుకోవలసి ఉంటుంది. కొన్ని కంపెనీల్లో ప్రముఖులు లేదా ప్రముఖ సంస్థలు ఇన్వెస్ట్ చేయటంతో అవి మల్టీబ్యాగర్ రాబడులను అందిస్తుంటాయి. ఇప్పుడు మనం మాట్లాడుకుంటున్న స్టాక్ సైతం భారీగా లాభపడి సంచలనంగా మారింది.

కంపెనీ షేర్ గురించి..

ఇప్పటి వరకు మనం మాట్లాడుకున్నది బీఎల్ఎస్ ఇంటర్నేష్నల్ సర్వీసెస్ కంపెనీ స్టాక్ గురించే. సింగపూర్ కు చెందిన ప్రముఖ అంతర్జాతీయ ఫైనాన్సియల్ సర్వీసెస్ సంస్థ నోమురా ఈ కంపెనీలోలో భారీగా వాటాలను కొనుగోలు చేసింది. గత నెలలో నోమురా 12.5 లక్షల షేర్లను కొనుగోలు చేసింది. వీటి విలువ దాదాపు రూ.267.50 కోట్లుగా ఉంది.

కొత్తగా మరిన్ని వాటాల కొనుగోలు..

తాజాగా ఎన్ఎస్ఈ అందించిన బల్క్ డీల్ వివరాల ప్రకారం కంపెనీలో నోమురా రూ.253 కోట్ల విలువైన.. 11 లక్షల షేర్లను కొత్తగా కొనుగోలు చేసినట్లు వెల్లడైంది. ఈ వివరాలు బహిర్గతం కావటంతో షేర్ విలువ అమాంతం 18 శాతం మేర పెరిగింది. దీంతో స్టాక్ తన జీవితకాల గరిష్ఠాలకు చేరుకుంది.

స్ట్కాక్ ధర వివరాలు..

మధ్యాహ్నం 2.55 గంటల సమయంలో స్టాక్ దాదాపు రూ.33 లాభపడి రూ.261.20 వద్ద ట్రేడ్ అవుతోంది. స్టాక్ 52 వారాల గరిష్ఠ ధర రూ.269.70 వద్ద ఉండగా.. షేర్ 52 వారాల కనిష్ఠ ధర రూ. 89.73గా ఉంది. ఈ రోజు ఇంట్రాడేలో స్టాక్ ఏకంగా 18 శాతం వరకు పెరిగింది. ఒక్కరోజులోనే మల్టీబ్యాగర్ స్టాక్ తన ఇన్వెస్టర్లకు ఊహించని లాభాలను అందించింది.

కంపెనీ వ్యాపారం..

కంపెనీ టెక్నాలజీ ఆధారిత వీసా ప్రాససింగ్ సేవలను అందిస్తుంది. దిల్లీ కేంద్రంగా కంపెనీ తన వ్యాపారాలను నిర్వహిస్తోంది. కంపెనీ ప్రభుత్వాల కోసం వీసా, పాస్‌పోర్ట్, కాన్సులర్, ధృవీకరణ, పౌర సేవలను నిర్వహిస్తుంది. ప్రస్తుతం కంపెనీ ఆసియా, ఆఫ్రికా, యూరప్, దక్షిణ అమెరికా, ఉత్తర అమెరికా, మధ్యప్రాచ్యంలో దౌత్య కార్యకలాపాలను నిర్వహిస్తోంది. కంపెనీ రాష్ట్ర, ప్రాంతీయ ప్రభుత్వాలకు కూడా పౌర సేవలను అందిస్తోంది.