ఎవరు ఈ ఇద్దరు.. టాటా బోర్డులో కొత్తగా నియామకం.. రతన్ టాటాతో సంబంధం ఏమిటి ?

ప్రముఖ దేశీయా వ్యాపారవేత్త రతన్ టాటా మరణం తరువాత టాటా గ్రూపులో ఎన్నో మార్పులు చోటుచేసుకుంటున్నాయి. టాటా ట్రస్ట్ పగ్గాలు రతన్ టాటా సోదరుడు నోయెల్ టాటా చేతుల్లోకి వెళ్ళాక ఇప్పుడు అతని కుమార్తెలిద్దరూ కూడా పెద్ద బాధ్యతలు చేపట్టారు. తాజాగా నోయెల్ టాటా ఇద్దరు కుమార్తెలు మాయా టాటా, లియా టాటా సర్ రతన్ టాటా ఇండస్ట్రియల్ ఇన్‌స్టిట్యూట్ (SRTII) ట్రస్టీల బోర్డులో చేరారు. రతన్ టాటా మరణానంతరం బోర్డులో చోటుచేసుకున్న కీలక మార్పు ఇది.

నోయెల్ టాటాకు ముగ్గురు పిల్లలు ఉన్నారు, వీరు లియా టాటా (39), మాయా టాటా (36), నెవిల్లే టాటా (32) టాటా ఇప్పుడు రెండు ట్రస్టుల మినహా అన్ని చిన్న టాటా ట్రస్ట్‌లో చేర్చారు. సర్ రతన్ టాటా ఇండస్ట్రియల్ ఇనిస్టిట్యూట్ (SRTII) ట్రస్టీల బోర్డులో అర్నాజ్ కొత్వాల్, ఫ్రెడ్డీ తలతి రాజీనామా తరువాత వీరి స్థానంలో మాయ ఇంకా లేహ్ టాటా చేరారు. అయితే అప్పటి నుండి కంపెనీలో చాలా గందరగోళం నెలకొంది. SRTII ట్రస్టీల బోర్డు నుండి రాజీనామా చేసిన తరువాత అర్నాజ్ తన తోటి ట్రస్టీలకు లేఖ ద్వారా అసంతృప్తిని వ్యక్తం చేశారు. ఇంకా తనని రాజీనామా చేయమని కోరిన తీరు సరికాదని వెల్లడించారు. తనతో నేరుగా మాట్లాడకుండా ఇద్దరు కొత్త వ్యక్తులు సంప్రదించారు. వీరికి SRTIIతో ఎలాంటి సంబంధం లేదు. కానీ రాజీనామా చేయాల్సిందిగా నోయల్ టాటా తనను కోరారని చెప్పారు. అయితే ఈ వివాదంపై టాటా ట్రస్ట్‌లు స్పందించలేదు.

నోయెల్ టాటా అక్టోబర్ 2024లో టాటా ట్రస్ట్‌ల ఛైర్మన్‌గా నియమితులయ్యారు. మాయా టాటా డిజిటల్ వ్యాపారానికి లీడర్షిప్ వహిస్తుండగా, లేహ్ ఇండియన్ హోటల్స్ బాధ్యతను నిర్వహిస్తోంది. లేహ్ టాటా IE బిజినెస్ స్కూల్ నుండి మార్కెటింగ్‌లో మాస్టర్స్ డిగ్రీని పొందారు. ఆమె టాటా ఇండియన్ హోటల్స్ వైస్ ప్రెసిడెంట్. మాయ టాటా టాటా క్యాపిటల్ అండ్ టాటా న్యూ యాప్‌ని నిర్వహిస్తోంది.

ఈ ఇద్దరూ రతన్ టాటా మేనకోడళ్లు. మాయ బ్రిటిష్ బిజినెస్ స్కూల్ బయాస్ లో చదువుకుంది. టాటా క్యాపిటల్‌తో తన కెరీర్‌ను ప్రారంభించింది. రతన్ టాటాతో కలిసి పని చేయడం ద్వారా వ్యాపార మెళకువలు నేర్చుకున్నారు. ఇంకా టాటా నియో యాప్‌ను ప్రారంభించడంలో ఆమె కీలక పాత్ర పోషించారు.

నోయెల్ టాటా క్రమంగా పిల్లలను టాటా ట్రస్ట్‌లలో చేర్చుకుంటు తదుపరి తరానికి టాటా కమాండ్‌ను అప్పగించే దిశగా అడుగులు వేస్తున్నారు. ఈ మార్పు టాటా గ్రూప్‌లోని తదుపరి తరానికి ఆదేశాన్ని అప్పగించే ప్రయత్నంగా పరిగణించవచ్చు. మీడియాకు దూరంగా ఉంటున్న మాయా టాటా, లియా టాటా పెద్ద బాధ్యతలు చేపట్టేందుకు కూడా సిద్ధమవుతున్నారు.