జీతం రాదు, బంగ్లా లేదు...! మాజీ సియంకి పెన్షన్ సహా ఎలాంటి ఫెసిలిటీస్ ఉంటాయంటే ?

తాజాగా ఢిల్లీ ఎన్నికల్లో అరవింద్ కేజ్రీవాల్ ఓడిపోయిన సంగతి మీకు తెలిసిందే. దింతో అతని పార్టీ (ఆమ్ ఆద్మీ పార్టీ) దేశ రాజధాని ఢిల్లీలో అధికారం కోల్పోయింది. అంతేకాదు అతను ఇప్పుడు ఢిల్లీ ఎమ్మెల్యే హోదాలో కూడా లేరు. ఆయన కేవలం ఒక మాజీ ముఖ్యమంత్రి మాత్రమే. అలాగే జీతం లేదా ప్రభుత్వ బంగ్లా ఫెసిలిటీలు కూడా ఉండవు. మాజీ ముఖ్యమంత్రి కావడంతో ఆయన తనకు ప్రభుత్వ వసతి కావాలని డిమాండ్ చేయవచ్చు, కానీ ఆయనకు బంగ్లా లభించే అవకాశం లేదు. ఇప్పుడు అతనికి పెన్షన్ సహా కొన్ని సౌకర్యాలు మాత్రమే లభిస్తాయి.

ఢిల్లీ ముఖ్యమంత్రికి జీతం ఎంత ?
ఢిల్లీ ముఖ్యమంత్రికి నెలకు రూ.60 వేల జీతం, కొన్ని అలవెన్సులు లభిస్తాయి. ఈ విధంగా ఢిల్లీ ముఖ్యమంత్రికి ప్రతి నెలా మొత్తం రూ.1.25 లక్షల జీతం లభిస్తుంది. ఇవి కాకుండా ఇతర సౌకర్యాలు కూడా ఉంటాయి. కానీ ఢిల్లీ మాజీ ముఖ్యమంత్రికి జీతం ఇచ్చే నిబంధన లేదు. అలాగే వారికి ఖచ్చితంగా పెన్షన్ మాత్రం లభిస్తుంది.

మాజీ ఎమ్మెల్యేకి ఎంత పెన్షన్ వస్తుంది?
రెండేళ్ల క్రితం ముఖ్యమంత్రి, ఎమ్మెల్యేలు, మాజీ ఎమ్మెల్యేలు సహా కొందరి జీతాలలో మార్పులు చేశారు. ఈ మార్పులు 14 ఫిబ్రవరి 2023 నుండి అమల్లోకి వచ్చాయి. ఢిల్లీ మంత్రులు, స్పీకర్, ఎమ్మెల్యేలు ఇతరులకు ఇచ్చే జీతం, భత్యాలు, పెన్షన్ & ఇతర సౌకర్యాల గురించిన సమాచారం ఢిల్లీ అసెంబ్లీ వెబ్‌సైట్ delhiassembly.delhi.gov.inలో కూడా ఇచ్చారు . దీని ప్రకారం ఢిల్లీ మాజీ ఎమ్మెల్యేకు ప్రతి నెలా రూ.15 వేల పెన్షన్ ఇస్తారు.

కేజ్రీవాల్ పెన్షన్ ఎంత ?
ఒక ఎమ్మెల్యే ఒకటి కంటే ఎక్కువసార్లు గెలిస్తే అతని పెన్షన్ నెలకు రూ. 1000 పెరుగుతుంది. ఈ నియమం ప్రకారం కేజ్రీవాల్ కూడా పెన్షన్ పొందుతారు. ఈసారి ఎన్నికల్లో ఆయన ఓడిపోవడంతో ఆయన పెన్షన్‌లో ఎలాంటి పెంపు ఉండదు. మాజీ ఎమ్మెల్యేకి చెప్పినట్లుగా కేజ్రీవాల్ కు పెన్షన్ లభిస్తుంది. ఈ పెన్షన్ నెలకు రూ. 15 వేలు అవుతుంది.

ఇంకా ఎలాంటి సౌకర్యాలు ఉంటాయి?
కేజ్రీవాల్‌కు ఏ సౌకర్యాలు ఇచ్చినా మాజీ ఎమ్మెల్యేగా ఆయనకు అవి లభిస్తాయి. అతను అతని కుటుంబం ఫ్రీ ట్రీట్మెంట్ సదుపాయాలను పొందుతారు. ప్రభుత్వ ఆసుపత్రులతో పాటు కొన్ని ప్రైవేట్ ఆసుపత్రులలో కూడా వీరికి ఉచిత చికిత్స లభిస్తుంది. ఇది కాకుండా వీరికి ట్రావెల్ అలవెన్స్ కూడా లభిస్తుంది. అయితే, ట్రావెల్ అలవెన్స్ అధికారిక ప్రయాణాలకు మాత్రమే. దీనితో పాటు, టెలిఫోన్ ఖర్చులు, ఇంటర్నెట్ ఫెసిలిటీ మొదలైనవి కూడా లభిస్తాయి.

పూర్తి భద్రత కూడా
ఢిల్లీ మాజీ ముఖ్యమంత్రి భద్రతను పూర్తిగా ప్రభుత్వం చూసుకుంటుంది. రాజకీయ, సామాజిక కార్యక్రమాలకు హాజరు కావడంలో ఆయనకు ఎలాంటి ఇబ్బందులు తలెత్తకుండా ఉండటానికి మాజీ ముఖ్యమంత్రికి ఉన్నత స్థాయి భద్రత, ప్రభుత్వ వాహనం కల్పిస్తారు. దీనిబట్టి కేజ్రీవాల్ కు కూడా ఈ సౌకర్యం లభిస్తుంది ఇంకా డ్రైవర్ కేటాయిస్తారు.