Nithin Kamath: పిగ్ బుచరింగ్ స్కామ్‍లపై అప్రమత్తంగా ఉండాలన్న నితిన్ కామత్..

జెరోధా సహ వ్యవస్థాపకుడు, CEO నితిన్ కామత్(Nithin Kamath) సోషల్ మీడియా యూజర్లను అలర్ట్ చేశారు. భారతదేశంలోని "పిగ్‌ బుచరింగ్‌ స్కామ్‌ల" పై అప్రమత్తంగా ఉండాలని సూచించారు. ఈ పిగ్ బుచరింగ్ స్కామ్ లు వందల నుంచి వేల కోట్ల వరకు జరుగుతున్నాయని ఎక్స్ లో పోస్ట్ చేశారు. "నకిలీ జాబ్ ఆఫర్ స్కామ్‌లు, స్కామ్మీ హై-రిటర్న్ ఇన్వెస్ట్‌మెంట్ స్కీమ్‌లు, క్రిప్టో ఇన్వెస్ట్‌మెంట్‌లు మొదలైనవాటికి ఎంత మంది వ్యక్తులు వస్తారు అనేది భయంగా ఉంది" అని పోస్ట్ చేశాడు.

"సమస్య స్థాయిని బట్టి వీలైనంత ఎక్కువ మంది వ్యక్తులతో దీని గురించి తరచుగా మాట్లాడటం చాలా అవసరం. మన చుట్టూ ఉన్న ప్రతి ఒక్కరూ విద్యావంతులు కాదా అనే దానితో సంబంధం లేకుండా సంభావ్య బాధితులే" అని అన్నారు. పిగ్ బుచరింగ్ స్కామ్ అంటే ఏమిటో వివరించాడు. పిగ్‌ బుచరింగ్‌ అనేది ఓ సైబర్‌ స్కామ్‌. ఆన్‌లైన్‌లో ఫేక్‌ మెసేజ్‌లు, యూజర్లను నమ్మించేలా ఫేక్‌ పేమెంట్‌లతో బురిడి కొట్టించి సొమ్ము చేసుకునే లాంటిందన్నారు. ఈ కుంబకోణాల పట్ల అప్రమత్తంగా ఉండాలని కామత్‌ పలు జాగ్రత్తలు చెప్పారు.

ఇందులో స్కామర్లు వినియోగదారుల నమ్మకాన్ని పొందేందుకు నకిలీ ప్రొఫైల్‌లను ఉపయోగిస్తారని, తరచుగా ప్రేమ, స్నేహం ఉంటున్నట్లు నటిస్తారు. "తరువాత వారు ఉద్యోగాలు, అధిక-రాబడి పెట్టుబడుల కోసం డబ్బు పంపడానికి వారిని ప్రేరేపిస్తారు. డబ్బును దొచుకుంటారు. ఈ స్కామ్‌లు ప్రపంచవ్యాప్తంగా ఉన్నాయి" అని కామత్ తెలిపారు. పిగ్ బుచరింగ్ లో స్కామ్ చేసే వ్యక్తి కూడా మరొక రకమైన స్కామ్‌కు బాధితుడే కావచ్చునని బిలియనీర్ భావించారు.

"చాలామంది స్కామీ కంపెనీల నుంచి అంతర్జాతీయ ఉద్యోగ ఆఫర్‌ల ఉచ్చులో పడతారు. ఒకసారి విదేశాలలో వారు కూడా ఉంటారు. సోషల్ మీడియా ప్లాట్‌ఫారమ్‌లను ఉపయోగించి నమ్మకాన్ని పెంపొందించడం ద్వారా భారతీయులను స్కామ్ చేయడానికి ప్రయత్నిస్తారని పేర్కొన్నారు. WhatsApp, సోషల్ మీడియా ప్లాట్‌ఫారమ్‌లు, డేటింగ్ యాప్‌లలో తెలియని సందేశాలకు ఎప్పుడూ ప్రత్యుత్తరం ఇవ్వవద్దని కోరారు. ఎవరైనా మిమ్మల్ని కొన్ని కొత్త యాప్‌లను డౌన్‌లోడ్ చేయమని లేదా లింక్‌లను తెరవమని అడిగితే అలా చెయ్యొద్దని కోరారు.

సందేహం ఉంటే, సమీపంలోని పోలీస్ స్టేషన్‌కి వెళ్లండి లేదా న్యాయవాదితో మాట్లాడాలని సూచించారు. ఎవరైనా ఉద్యోగం లేదా అధిక రాబడి వంటి వాటిని వాగ్దానం చేస్తే లేదా డబ్బు కోసం మిమ్మల్ని అడిగితే అది మోసమని గుర్తించాలని కోరారు. మీ ఆధార్, పాస్‌పోర్ట్ వంటి వ్యక్తిగతంగా గుర్తించదగిన సమాచారాన్ని లేదా బ్యాంక్ వివరాలు, పెట్టుబడి వివరాలు మొదలైన ఆర్థిక సమాచారాన్ని ఎప్పుడూ ఇతరులతో పంచుకోవద్దని పేర్కొన్నారు.