Income Tax: అందుకే ఇన్కమ్ టాక్స్ రేట్లు మార్పు చేయలేదు: నిర్మలా సీతారామన్

Budget 2024: గత ఏడాది కొత్త పన్ను విధానంలో దేశ ప్రజలకు శుభవార్త చెబుతు పన్ను రహిత ఆదాయ పరిమితిని రూ.7 లక్షలకు పెంచటంపై ప్రజలు హర్షం వ్యక్తం చేసిన సంగతి తెలిసిందే. అయితే ఈ సారి పాతపన్ను విధానంలో మినహాయింపు పెంచుతారని అందరూ భావించారు.

కానీ ఫిబ్రవరి 1న ఆర్థిక మంత్రి నిర్మలా సీతారామన్ తన ఇంటెరిమ్ బడ్జెట్ ప్రసంగంలో ఎలాంటి పన్ను రేట్లలో మార్పులు ఉండబోవని ప్రకటించటం చాలా మందిని నిరాశకు గురిచేసింది. మధ్యంతర బడ్జెట్ 2024 తనకు ఆదాయపు పన్ను రాయితీ లేదా పన్ను శ్లాబ్‌ల సవరణపై పిలుపునిచ్చే సమయం కాదని ఆర్థిక మంత్రి నిర్మలా సీతారామన్ శనివారం దీనిపై వివరణ ఇచ్చారు. పార్లమెంట్‌లో బడ్జెట్ ప్రకటనను సమర్పించిన రెండు రోజుల తర్వాత సీతారామన్ ఒక ఇంటర్వ్యూలో దీనిపై స్పష్టతను ఇచ్చారు.

ఆదాయపు పన్ను రేట్లను దేశంలో తగ్గించటానికి ఇది సరైన సమయం కాదని ఆమె అభిప్రాయపడ్డారు. దిగుమతి సుంకాలతో సహా ప్రత్యక్ష మరియు పరోక్ష పన్నులకు ఒకే పన్ను రేట్లను కొనసాగించాలని ఫిబ్రవరి 1న సీతారామన్ ప్రతిపాదించడం గమనించదగ్గ విషయం. అలాగే క్యాపిటల్ గెయిన్స్ స్ట్రక్చర్‌పై యథాతథ స్థితిని కొనసాగించాలని ఆర్థిక మంత్రి నిర్ణయించారు.

ప్రస్తుత పాత పన్ను విధానం ప్రకారం రూ.2.5 లక్షల కంటే తక్కువ వార్షిక ఆదాయం పన్ను విధించబడదు. అయితే రూ.2.5 లక్షల నుంచి రూ.5 లక్షల వరకు ఆదాయ బ్రాకెట్‌పై 5% పన్ను వర్తించబడుతుంది. అంతేకాకుండా.. రూ.5 నుంచి రూ. 10 లక్షల మధ్య ఆదాయాలు 20% పన్ను రేటుకు లోబడి ఉంటాయి. చివరిగా వార్షిక ఆదాయం రూ.30 లక్షలు దాటిన వారికి విధించిన పన్ను 30% గణనీయమైన స్థాయిలో కొనసాగుతోంది. వీటిలో మార్పులు ఉంటాయని చాలా మంది భావించినప్పటికీ ఎలాంటి మార్పులు రాకపోవటం పెద్ద నిరాశకు దారితీసింది.