Nippon India Small Cap: ఏకమొత్త పెట్టుబడులు నిలిపివేసిన నిప్పాన్ ఇండియా స్మాల్ క్యాప్ ఫండ్..

నిప్పాన్ ఇండియా మ్యూచువల్ ఫండ్ జూలై 7 నుంచి నిప్పాన్ ఇండియా స్మాల్ క్యాప్ ఫండ్‌లో Lumsam పెట్టిబడిని నిలిపివేసింది. ఫండ్ హౌస్ జూలై 6న నోటీసు-కమ్-అడెండమ్ ద్వారా ఈ విషయాన్ని తెలియజేసింది.ప్రారంభ పెట్టుబడి లేదా క్రమబద్ధమైన బదిలీ ప్రణాళిక లేదా అటువంటి ఇతర ప్రత్యేక ఉత్పత్తి లేకుండా సిస్టమాటిక్ ఇన్వెస్ట్‌మెంట్ ప్లాన్ ద్వారా తాజా రిజిస్ట్రేషన్‌లు పాన్‌కు రోజుకు రూ. 5 లక్షల పరిమితితో కొనసాగుతాయని ఫండ్ హౌస్ పేర్కొంది.

స్మాల్ క్యాప్ ఇన్వెస్టింగ్ స్వభావానికి అనుగుణంగా కార్పస్ క్రమానుగత విస్తరణను సులభతరం చేయడం కోసం ఈ నిర్ణయం తీసుకున్నట్లు తెలిసింది. గత కొద్ది రోజులు స్మాల్ స్టాక్ లు ఎక్కువగా పెరిగాయి. ఇప్పుడు ఏకమొత్తంలో పెట్టుబడి పెట్టిన పెట్టుబడి దారులు స్టాక్ పడిపోతే తీవ్ర ఆందోళన చెందే అవకాశం ఉంది. అందుకే స్మాల్ క్యాప్ మ్యూచువల్ ఫండ్లలో ఏకమొత్తం పెట్టుబడులను నిలిపివేసింది.

AMFI డేటా ప్రకారం, స్మాల్ క్యాప్ కేటగిరీకి మొత్తం రూ.12,397.14 కోట్ల ఇన్‌ఫ్లో వచ్చింది. నిఫ్టీ స్మాల్‌క్యాప్ 250 - TRIకి వ్యతిరేకంగా నిప్పాన్ ఇండియా స్మాల్ క్యాప్ ఫండ్ బెంచ్‌మార్క్ కంటే ఎక్కువ రాబడి ఇచ్చింది. 2023 మొదటి ఆరు నెలల్లో, ఈ పథకం బెంచ్‌మార్క్ ప్రకారం 11.46% నుంచి 17.17% రాబడిని అందించింది. సెప్టెంబర్ 2010లో ప్రారంభించబడిన ఈ పథకం ప్రారంభం నుంచి 20.65% రాబడిని ఇచ్చింది.

ఆరు నెలలు, ఒక సంవత్సరం కాలాల్లో ఈ పథకం 19.65%, 39.46% రాబడిని అందించింది. ఇప్పటికే స్మాల్ క్యాప్ మ్యూచువల్ ఫండ్లలో ఏకమొత్త పెట్టుబడులను ఇప్పటికే ఎస్బీఐ స్మాల్ క్యాప్, టాటా స్మాల్ క్యాప్ ఫండ్లు నిలిపివేశాయి.నిప్పాన్ ఇండియా స్మాల్ క్యాప్ ఫండ్, ప్రధానంగా స్మాల్ క్యాప్ స్టాక్‌లలో పెట్టుబడి పెట్టే ఓపెన్-ఎండ్ ఈక్విటీ స్కీమ్ గా ఉంది. ఫండ్ పోర్ట్‌ఫోలియో 179 స్టాక్‌లు ఉన్నాయి. టాప్ 10 స్టాక్‌ల్లో 16.29% వాటాను కలిగి ఉంది.