Stock Market: లాభాల్లో ముగిసిన Sensex, Nifty.. నిరాశ పరిచిన బ్యాంకింగ్..

Closing Bell: రికార్డు గరిష్ఠాలను తాకినప్పటికీ మార్కెట్లలో ఎలాంటి బెరుకు కనిపించటం లేదు. కొత్త ఆర్థిక సంవత్సరం తొలి త్రైమాసిక ఫలితాలు రానున్న తరుణంలో ఇన్వెస్టర్లు ఫలితాల కోసం ఆసక్తిగా ఎదురుచూస్తున్నారు.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 274 పాయింట్ల లాభంలో ఉండగా.. మరో కీలక సూచీ నిఫ్టీ మాత్రం 84 పాయింట్ల మేర లాభపడింది. అయితే బ్యాంక్ నిఫ్టీ సూచీ మాత్రం 116 పాయింట్ల నష్టపోయింది. చివరగా నిఫ్టీ మిడ్ క్యాప్ సూచీ 315 పాయింట్ల లాభంలో ట్రేడింగ్ ముగించింది. ఇన్వెస్టర్లు ప్రధానంగా లాభాల స్వీకరణకు మెుగ్గు చూపటంతో లాభాలు ఆవిరయ్యాయి.

విదేశీ సంస్థాగత ఇన్వెస్టర్లు సోమవారం నికర ప్రాతిపదికన రూ.588 కోట్ల విలువైన భారతీయ స్టాక్‌లను కొనుగోలు చేయగా.. దేశీయ ఇన్వెస్టర్లు రూ.288 కోట్ల విలువైన షేర్లను కొనుగోలు చేసినట్లు వెల్లడైంది. వరుసగా రెండో రోజు లాభపడ్డ దేశీయ అతిపెద్ద కంపెనీ రిలయన్స్ ఇండస్ట్రీస్ మార్కెట్ క్యాప్ పెరిగింది. గత 3 నెలల్లో రిలయన్స్ షేర్లు దాదాపు 17 శాతం పెరిగాయి. ఇదే క్రమంలో వేదాంత షేర్ 3 శాతం వరకు నష్టపోయింది. ఆసియా మార్కెట్లు లాభాల్లో కొనసాగటం కూడా మనకు కలిసొచ్చింది.

NSEలో ఐషర్ మోటార్స్, సన్ ఫార్మా, టాటా కన్జూమర్, అపోలో హాస్పిటల్స్, మారుతీ, టాటా మోటార్స్, ఐటీసీ, ఎల్ టి, గ్రాసిమ్, ఇన్ఫోసిస్, టైటాన్, ఏషియన్ పెయింట్స్, నెస్లే, టెక్ మహీంద్రా, బీపీసీఎల్, బ్రిటానియా, రిలయన్స్, అదానీ పోర్ట్స్, మహీంద్రా అండ్ మహీంద్రా, పవర గ్రిడ్ కంపెనీల షేర్లు లాభాల్లో ముగిసి టాప్ గెయినర్లుగా నిలిచాయి.

ఇదే క్రమంలో యూపీఎల్, బజాజ్ ఫైనాన్స్, యాక్సిస్ బ్యాంక్, హెచ్సీఎల్ టెక్నాలజీస్, జేఎస్డబ్ల్యూ స్టీల్, హిందాల్కొ, హీరో మోటార్స్, ఎస్బీఐ, బజాజ్ ఫిన్ సర్వ్, హెచ్డీఎఫ్సీ, హెచ్డీఎఫ్సీ బ్యాంక్, ఐసీఐసీఐ బ్యాంక్, టాటా స్టీల్, అల్ట్రాటెక్ సిమెంట్స్, ఎస్బీఐ లైఫ్ కంపెనీల షేర్లు నష్టాల్లో ట్రేడింగ్ ముగించి టాప్ లూజర్లుగా నిలిచాయి.