సరికొత్త రికార్డుకు సూచీలు: ఐటీ అదుర్స్, రిలయన్స్ భారీ పతనం
ముంబై: స్టాక్ మార్కెట్లు నేడు (సోమవారం, జనవరి 11) భారీ లాభాల్లో ముగిశాయి. ఆటో, ఐటీ స్టాక్స్ అండతో స్టాక్స్ లాభపడ్డాయి. 2020-21 ఆర్థిక సంవత్సరం మూడో త్రైమాసికంలో ఐటీ దిగ్గజం టీసీఎస్ అదరగొట్టింది. దీంతో ఆ కంపెనీ షేర్లు రాణించాయి. ఆటో, ఐటీ రాణించడంతో సెన్సెక్స్ మొదటిసారి 49,000 మార్కును దాటింది. నిఫ్టీ 14,500కు సమీపంలో నిలిచింది. ఉదయం కూడా మార్కెట్లు భారీ లాభాలతోనే ప్రారంభమై, ఏ దశలోను పడిపోలేదు. కరోనా కేసులు తగ్గడం, టీకా పంపిణీ, విదేశీ నిధుల వరద, ఆర్థిక వ్యవస్థ పుంజుకునే సంకేతాలు మార్కెట్లకు ఊతమిచ్చాయి. గత రెండు నెలలుగా సూచీలు సరికొత్త శిఖరాలను తాకుతున్నాయి.
Budget 2021-22: ఈ ఏడాది బడ్జెట్ పత్రాల్లేవు! ఎందుకంటే
రికార్డ్ స్థాయికి సూచీలు
డాలర్ మారకంతో రూపాయి 73.37 వద్ద క్లోజ్ అయింది. డొమెస్టిక్ ఈక్విటీ మార్కెట్లో కొనుగోళ్లు పెరగడంతో రూపాయి బలపడింది. నేటి ట్రేడింగ్లో 73.37-73.50 మధ్య కదలాడింది. సెన్సెక్స్ 486.81 పాయింట్లు(1%) లాభపడి 49,269.32 పాయింట్ల వద్ద, నిఫ్టీ 137.50 పాయింట్లు(0.96%) ఎగిసి 14,484.80 పాయింట్ల వద్ద క్లోజ్ అయింది. 1423 షేర్లు లాభాల్లో, 1672 షేర్లు నష్టాల్లో ముగియగా, 137 షేర్లలో ఎలాంటి మార్పులేదు. ఐటీ, ఆటో షేర్లు జంప్ చేశాయి.
టాప్ గెయినర్స్, లూజర్స్
టాప్ గెయినర్స్ జాబితాలో టాటా మోటార్స్ 11.36 శాతం, HCL టెక్ 6.08 శాతం, ఇన్ఫోసిస్ 4.89 శాతం, విప్రో 3.86 శాతం, HDFC 3.53 శాతం లాభపడ్డాయి. టాప్ లూజర్స్ జాబితాలో టాటా స్టీల్ 2.45 శాతం, బజాజ్ ఫిన్ సర్వ్ 2.02 శాతం, బజాజ్ ఫైనాన్స్ 1.92 శాతం, రిలయన్స్ 1.88 శాతం, లార్సన్ 1.70 శాతం నష్టపోయాయి.
మోస్ట్ యాక్టివ్ స్టాక్స్లో టాటా మోటార్స్, టీసీఎస్, రిలయన్స్, ఇన్ఫోసిస్, విప్రో ఉన్నాయి.
రిలయన్స్ స్టాక్ నేడు మరింత పతనమై రూ.1900 దిగువకు చేరుకుంది. నేడు 1.79 శాతం క్షీణించి రూ.1899 వద్ద క్లోజ్ అయింది.
రంగాలవారీగా..
నిఫ్టీ 50 స్టాక్స్ 0.96 శాతం లాభపడ్డాయి. నిఫ్టీ మిడ్ క్యాప్ 0.47 శాతం క్షీణించాయి. రంగాలవారీగా చూస్తే నిఫ్టీ ఆటో 2.61 శాతం, నిఫ్టీ ఫైనాన్షియల్ సర్వీసెస్ 0.61 శాతం, నిఫ్టీ ఎఫ్ఎంసీజీ 1.18 శాతం, నిఫ్టీ ఐటీ 3.31 శాతం, నిఫ్టీ ఫార్మా 1.06 శాతం, నిఫ్టీ రియాల్టీ 0.63 శాతం లాభపడ్డాయి.
నిఫ్టీ బ్యాంకు 0.27 శాతం, నిఫ్టీ ఎనర్జీ 0.85 శాతం, నిఫ్టీ మీడియా 1.54 శాతం, నిఫ్టీ మెటల్ 1.00 శాతం, నిఫ్టీ పీఎస్యూ బ్యాంకు 1.50 శాతం, నిఫ్టీ ప్రయివేటు బ్యాంకు 0.32 శాతం నష్టపోయాయి.