బడ్జెట్: 5 రోజుల్లో 6% పతనం, 1900 దిగువకు రిలయన్స్, టాప్ నుండి రూ.500 డౌన్

ముంబై: స్టాక్ మార్కెట్లు వరుసగా ఐదో రోజు భారీ నష్టాల్లో ముగిశాయి. గత గురువారం చరిత్రలో తొలిసారి 50,000 మార్కు దాటిన సెన్సెక్స్, ఆ తర్వాత వరుసగా నష్టపోతూ నేడు 47,000 పాయింట్ల దిగువకు పతనమైంది. బడ్జెట్ అంచనాలతో పాటు వివిధ కారణాలతో మార్కెట్లు కుప్పకూలుతున్నాయి. డెరివేటవ్ కాంట్రాక్ట్ ముగియడం వంటి పరిణామాలతో షేర్లు అమ్మకాల ఒత్తిడికి లోనయ్యాయి. ఈ ఐదు సెషన్లలో సెన్సెక్స్ 3300 పాయింట్ల వరకు నష్టపోయింది. ప్రధనంగా ఆటో, ఐటీ, ఎఫ్ఎంసీజీ షేర్లు భారీగా క్షీణించాయి.

5 రోజుల్లో 6 శాతం డౌన్

ఉదయం 46,834 పాయింట్ల వద్ద ప్రారంభమైన సెన్సెక్స్ ఓ దశలో 47,172 పాయింట్లకు చేరుకున్నప్పటికీ క్రితం సెషన్ 47,409 పాయింట్ల దరిదాపుల్లోకి ఏ సమయంలోను రాలేదు. ఓ సమయంలో సెన్సెక్స్ 48,518 పాయింట్లకు పడిపోయింది. ఆ తర్వాత కాస్త కోలుకున్నప్పటికీ భారీ నష్టాల్లోనే ముగిసింది. నేడు సెన్సెక్స్ 535.57 పాయింట్లు లేదా 1.13% నష్టపోయి 46,874.36 పాయింట్ల వద్ద, నిఫ్టీ 150 పాయింట్లు లేదా 1.07% నష్టపోయి 13,817.50 పాయింట్ల వద్ద ముగిసింది. సెన్సెక్స్ 5 రోజుల్లో 6 శాతం మేర నష్టపోయింది. నేడు 1 శాతానికి పైగా క్షీణించింది. 1543 షేర్లు లాభాల్లో, 1285 షేర్లు నష్టాల్లో ముగియగా, 161 షేర్లలో ఎలాంటి మార్పులేదు.

డాలర్ మారకంతో రూపాయి నేడు 12 పైసలు క్షీణించి 73.04 వద్ద క్లోజ్ అయింది. ఉదయం 21 పైసలు క్షీణించి 73.13 వద్ద ప్రారంభమైంది. నిన్న 72.92 వద్ద క్లోజ్ అయింది.

గరిష్టం నుండి రూ.500 తగ్గిన రిలయన్స్

నేటి టాప్ గెయినర్స్ జాబితాలో యాక్సిస్ బ్యాంకు 6.11 శాతం, SBI 2.43 శాతం, IOC 1.31 శాతం, శ్రీసిమెంట్స్ 1.25 శాతం, హీరో మోటోకార్ప్ 1.16 శాతం లాభపడ్డాయి.

టాప్ లూజర్స్ జాబితాలో HUL 3.80 శాతం, మారుతీ సుజుకీ 3.59 శాతం, విప్రో 3.26 శాతం, HDFC బ్యాంకు 2.71 శాతం, పవర్ గ్రిడ్ కార్పరేషన్ 2.63 శాతం నష్టపోయాయి.

మోస్ట్ యాక్టివ్ స్టాక్స్‌లో యాక్సిస్ బ్యాంకు, టాటా మోటార్స్, రిలయన్స్, హెచ్‌డీఎప్‌సీ బ్యాంకు, బజాజ్ ఫైనాన్స్ ఉన్నాయి.

రిలయన్స్ ఇండస్ట్రీస్ షేర్ నేడు మరింత పతనమైంది. దాదాపు 1 శాతం నష్టపోయి రూ.1876 వద్ద ముగిసింది. రూ.1900 దిగువకు రావడం గమనార్హం. రిలయన్స్ గరిష్టం నుండి దాదాపు రూ.500 వరకు తగ్గింది.

రంగాలవారీగా..

నిఫ్టీ 50 స్టాక్స్ 1.07 శాతం, నిఫ్టీ మిడ్ క్యాప్ 0.38 శాతం నష్టపోయాయి. రంగాలవారీగా చూస్తే నిఫ్టీ ఆటో 1.02 శాతం, నిఫ్టీ ఎనర్జీ 0.14 శాతం, నిఫ్టీ ఫైనాన్షియల్ సర్వీసెస్ 0.82 శాతం, నిఫ్టీ ఎఫ్ఎంసీజీ 1.91 శాతం, నిఫ్టీ ఐటీ 2.18 శాతం, నిఫ్టీ మీడియా 0.07 శాతం, నిఫ్టీ మెటల్ 0.53 శాతం, నిఫ్టీ ఫార్మా 0.80 శాతం, నిఫ్టీ పీఎస్‌యూ బ్యాంకు 1.76 శాతం, నిఫ్టీ రియాల్టీ 2.20 శాతం నష్టపోయాయి. నిఫ్టీ బ్యాంకు 0.24 శాతం, నిఫ్టీ ప్రయివేటు బ్యాంకు 0.17 శాతం లాభపడ్డాయి.