ఎనిమిది పెద్ద కంపెనీలు 52 వారాల గరిష్టం నుండి భారీగా క్షీణించాయి

బ్లూచిప్ బారోమీటర్స్ బీఎస్ఈ సెన్సెక్స్, నిఫ్టీ 50 నేడు (జూన్ 6) స్వల్పంగా క్షీణించాయి. 2021 అక్టోబర్ నెలలో భారీ గరిష్టాలను తాకాయి. నాటి గరిష్టంతో పోలిస్తే ప్రస్తుతం డబుల్ డిజిట్ క్షీణతతో ఉన్నాయి. ఇందులో కొన్ని రంగాలు భారీగా నష్టపోయాయి. బ్లూచిప్ స్టాక్స్‌లో ఎనిమిది నష్టపోయాయి. ఇవి వాటి వాటి గరిష్టాల నుండి కొన్ని దాదాపు మూడింతలు క్షీణించాయి. ఇందులో ప్రధానంగా హెల్త్ కేర్, ఇన్ఫ్రా, మెటల్, ఐటీ ఉన్నాయి.

అయితే మార్కెట్ నిపుణులు ఇప్పటికీ ఈ స్టాక్స్ పట్ల సానుకూలంగా ఉన్నారు. 70 శాతం లాభపడవచ్చునని వెల్లడించాయి. ఇందులో పలు స్టాక్స్‌ను కొనుగోలు చేయవచ్చునని సానుకూల రేటింగ్స్ కూడా ఇచ్చాయి. నిఫ్టీ 50 స్టాక్స్‌లో అపోలో హాస్పిటల్స్ ఎంటర్ ప్రైజెస్ భారీగా ఇటీవల భారీగా క్షీణించింది. ఇది 52 వారాల గరిష్టం రూ.5930 నుండి రూ.3568కి పడిపోయింది. నవంబర్ నెలలో రూ.5930కి చేరుకుంది. అపోలో హాస్పిటల్స్ త్రైమాసిక ఫలితాల్లో ఏడాది ప్రాతిపదికన 46 శాతం తగ్గింది.

ఆ తర్వాత ఐటీ మేజర్స్ టెక్ మహీంద్రా, విప్రోలు కూడా వాటి వాటి 52 వారాల గరిష్టం నుండి వరుసగా 38 శాతం, 36 శాతం క్షీణించాయి. అయితే ఐటీకి బావుందని, మున్ముందు రిటర్న్స్ కోసం ఈ స్టాక్స్ కొనుగోలు చేయవచ్చునని సూచిస్తున్నారు. హిండాల్కో ఇండస్ట్రీస్ తన 52 వారాల గరిష్టం రూ.636 నుండి 36 శాతం క్షీణించింది. ప్రభుత్వరంగ భారత్ పెట్రోలియం కార్పోరేష్ 52 వారాల గరిష్టం 503 నుండి రూ.328కి పడిపోయింది. బజాజ్ ఫిన్ సర్వ్, శ్రీ సిమెంట్స్ కూడా 52 శాతం చొప్పున క్షీణించాయి.