ఏప్రిల్ నుండి TDS, TCS కొత్త రూల్స్ - మీ డబ్బు ఆడ అవుతుందా ? ఖర్చవుతుందా ?

ప్రతి సంవత్సరం భారతదేశంలో పన్ను నియమాలలో కొన్ని మార్పులు వస్తున్నాయి. ఫైనాన్స్ బిల్లు 2025 TDS (ట్యాక్స్ డిడక్టెడ్ సోర్స్) అండ్ TCS (ట్యాక్స్ కలెక్టెడ్ సోర్స్) నియమాలలో కొత్త మార్పులను ప్రకటించింది. ఈ నియమాలు 1 ఏప్రిల్ 2025 నుండి అమల్లోకి రానున్నాయి.

బాండ్లు & వడ్డీ రేటు పరిమితి పెంపు: బాండ్ల నుండి వచ్చే వడ్డీపై పన్ను మినహాయింపును రూ.10,000కు పెంచారు. ప్రభుత్వ రంగ సంస్థలు జారీ చేసే డిబెంచర్ల వడ్డీకి రూ.10,000 వరకు పన్ను మినహాయింపు ఉంటుంది. వాటాదారులకు చెల్లించే డివిడెండ్లపై TDS పరిమితిని రూ. 5,000 నుండి రూ. 10,000 కు పెంచారు. లాటరీలు, జూదం, గుర్రపు పందాలలో గెలిచిన డబ్బు ఒక ఆర్థిక సంవత్సరంలో రూ. 10,000 దాటితే ఇంతకుముందు టీడీఎస్ విధించేవారు. కొత్త నిబంధన ప్రకారం ఒక లావాదేవీకి రూ.10,000 దాటితే టీడీఎస్ చెల్లించాలి.

ప్రొఫెషనల్ ఫీజులు & కమీషన్ పరిమితిలో పెంపు సెక్షన్ 194J కింద, ప్రొఫెషనల్ లేదా టెక్నికల్ సేవలకు ఫీజు రూ.30,000 నుండి రూ.50,000 కు పెంచారు. సెక్షన్ 194H కింద, కమిషన్ అండ్ బ్రోకరేజ్ ఫీజు రూ.15,000 నుండి రూ.20,000 కు పెంచారు. సెక్షన్ 194I కింద కొత్తగా అద్దె పరిమితి నెలకు రూ. 50,000 వరకు లేదా కొంత భాగం వరకు అద్దెపై TDS విధిస్తుంది. విదేశీ మారక ద్రవ్య లావాదేవీలకు కొత్త నియమాలు LRS (లిబరలైజ్డ్ రెమిటెన్స్ స్కీమ్) అండ్ విదేశీ టూర్ ప్యాకేజీల పరిమితిని రూ.7 లక్షల నుండి రూ.10 లక్షలకు పెంచారు. దీని ద్వారా విదేశాలకు డబ్బు పంపే భారతీయులకు మరింతగా రిలీఫ్ లభిస్తుంది.

ఫారెన్ ఎడ్యుకేషన్ లోన్ పై TCS మినహాయింపు: సెక్షన్ 80E(3)(b) కింద విదేశాలలో ఉంటూ ఎడ్యుకేషన్ లోన్ తీసుకున్న విద్యార్థులు చేసిన పేమెంట్ల పై TCS ఛార్జ్ చేయదు. దీనివల్ల విదేశాల్లో చదువుకునే విద్యార్థులపై ఆర్థిక భారం తగ్గుతుంది. పన్ను చెల్లింపుదారులు ఆదాయపు పన్ను రిటర్న్ దాఖలు చేయకపోతే TDS/TCS విధించే 206AB, 206CCA సెక్షన్లు రద్దు చేసింది. దీని వలన TDS/TCS పన్ను భారం తగ్గుతుంది.

మరిన్ని పన్ను మినహాయింపులు - చాల వరకు TDS పరిమితులు పెంచినందున ప్రజలు వాళ్ల ఆదాయంపై తక్కువ పన్ను చెల్లించాల్సి ఉంటుంది. ఫారెన్ చదువుకు ఈజీ ఫైనాన్సింగ్ - TCS చార్జెస్ తొలగించినందున ఫారెన్ ఎడ్యుకేషన్ లోన్ నుండి విద్యార్థులకు ఉపశమనం లభిస్తుంది. TDS/TCS భారం తగ్గుతుంది - 206AB ఇంకా 206CCA నిబంధనలు తొలగించినందున, పన్ను చెల్లింపుదారులకు TDS/TCS చెల్లించే భారం తగ్గుతుంది.

1 ఏప్రిల్ 2025 నుండి అమల్లోకి వచ్చే కొత్త TDS అండ్ TCS నియమాలు కొన్ని చోట్ల ప్రజలకు ప్రయోజనకరంగా ఉంటాయి అలాగే మరికొన్ని చోట్ల సవాలుగా ఉంటాయి. మీరు కొత్త నియమాలను జాగ్రత్తగా అర్థం చేసుకోవాలి ఇంకా మీ ట్యాక్స్ ప్లాన్స్ పరిగణించాలి. మీ డబ్బును తెలివిగా పెట్టుబడి పెట్టండి అలాగే కొత్త TDS/TCS నియమాల ప్రయోజనాన్ని పొందండి.