అక్టోబర్ 1 నుండి డ్రైవింగ్ లైసెన్స్, ఎస్బీఐ కొత్త రూల్స్

కేంద్రప్రభుత్వం వాహన రిజిస్ట్రేషన్ కార్డ్స్(ఆర్సీ), డ్రైవింగ్ లైసెన్స్(డీఎల్స్)కు సంబంధించి పలుమార్పులు చేసింది. దీంతో డ్రైవింగ్ లైసెన్సులు అప్‌డేట్ చేసుకోవాల్సి ఉంటుంది. అలాగే, అక్టోబర్ 1 నుంచి పెట్రోల్ పంపుల వద్ద క్రెడిట్ కార్డ్ పేమెంట్ ద్వారా లభించే డిస్కౌంట్లు ఉండవు. పెద్ద వ్యాపారాలకు కేంద్ర ఆర్థికమంత్రి నిర్మలా సీతారామన్ ప్రకటించిన కార్పొరేట్ ట్యాక్స్‌లు తగ్గింపు అక్టోబర్ 1 నుంచి అమలులోకి వస్తోంది.

అక్టోబర్ 1 నుంచి దేశవ్యాప్తంగా యూనిఫాం వెహికిల్స్ రిజిస్ట్రేషన్ కార్డ్స్(ఆర్సీ), డ్రైవింగ్ లైసెన్సులు జారీ చేయబడతాయి. కొత్తగా జారీ చేయబడి డ్రైవింగ్ లైసెన్సులు మైక్రోచిప్‌ను కలిగిఉంటాయి. క్యూఆర్ కోడ్, నియర్ ఫీల్డ్ కమ్యూనికేషన్(NFC) ఫీచర్స్ ఉంటాయి. అక్టోబర్ 1వ తేదీ నుండి పేపర్‌లెస్ ఆర్సీలను చేయనున్నారు. కొత్త ఆర్సీకి యజమాని పేరు ముందు భాగంలో ఉంటుంది. వెనుకభాగంలో మైక్రోచిప్, క్యూఆర్ కోడ్ ఉంటుంది.

మరోవైపు, అక్టోబర్ 1 నుంచి పెట్రోల్ పంప్స్ వద్ద క్రెడిట్ కార్డు ఉపయోగించే చెల్లింపులకు డిస్కౌంట్స్ ఉండవు. డిజిటల్ పేమెంట్స్‌ను ప్రోత్సహించేందుకు చమురురంగ కంపెనీలు క్రెడిట్/డెబిట్ కార్డ్స్, ఈ-వ్యాలెట్స్ పైన ఇప్పటివరకు డిస్కౌంట్స్ ఇస్తున్నాయి. అక్టోబర్ 1వ తేదీ నుండి డిస్కౌంట్స్ ఉండవు.