ఉద్యోగులకు గుడ్‌న్యూస్, వారానికి నాలుగు రోజులే వర్కింగ్ డేస్!

రాష్ట్రాలతో సంప్రదింపులు

లేబర్ కోడ్స్‌‌కు సంబంధించి రాష్ట్రాలతో ఏకకాలంలో సంప్రదింపులు జరిగాయి. యూపీ, మధ్యప్రదేశ్, పంజాబ్, జమ్ము కాశ్మీర్ రాష్ట్రాలు/కేంద్ర పాలిత ప్రాంతాలు కూడా వారంలో స్టేట్ లెవల్ లేబర్ కోడ్ డ్రాఫ్టును రూపొందించనున్నట్లు చెబుతున్నారు. ఎంప్లాయీస్ స్టేట్ ఇన్సురెన్స్ కార్పోరేషన్ ద్వారా కార్మికులకు ఉచిత వైద్య పరీక్షలను అందించాలని ప్రభుత్వం ప్రతిపాదించినట్లు చంద్ర తెలిపారు.

వర్కింగ్ డేస్ తగ్గినా.. గంటలు అంతే

'కొత్త లేబర్ కోడ్ డ్రాఫ్ట్ ప్రకారం వర్కింగ్ డేస్ అయిదు రోజుల కంటే తక్కువకు రావచ్చు. ఇది నాలుగు అయితే మూడు పెయిడ్ హాలీడేస్ ఇవ్వాలి. కనుక ఇది ఏడు రోజుల వారంలో దీనిని 4 లేదా 5 లేదా 6 పని దినాలుగా విభజించాల 'అని చంద్ర అన్నారు. అయితే 48 హవర్స్ వారపు పని గంటల పరిమితి అలాగే ఉంటుందన్నారు. గిగ్, ప్లాట్‌ఫాం కార్మికులు, వలస కార్మికులతో సహా అసంఘటిత రంగంలోని కార్మికుల నమోదు, ఇతర సౌకర్యాల కోసం జూన్ 2021 నాటికి వెబ్ పోర్టల్‌ను రూపొందించడానికి మంత్రిత్వ శాఖ ముందుకు వెళ్తోంది.

8 గంటలు.. 48 గంటలు

రోజుకు పన్నెండు గంటల పనితో పాటు, మూడు రోజులు వేతనంతో కూడిన సెలవుల అంశాన్ని కార్మిక సంఘాల వారు ప్రభుత్వం దృష్టికి తీసుకొచ్చారని దానిని కూడా పరిశీలిస్తున్నామన్నారు. కంపెనీలలో సాధారణంగా వారానికి గరిష్టంగా 48 గంటల పనివేళలు ఉంటాయి. రోజుకు ఎనిమిది గంటలు పని చేస్తే వారానికి ఆరు పని రోజులుగా ఉంటాయని, అయితే కొన్ని కంపెనీలు తమ ఉద్యోగులతో రోజుకు 12 గంటల పనిని చేయించుకుంటే వారానికి నాలుగు పనిదినాలు, మిగతామూడు రోజులు సెలవు రోజులుగా ఉంటాయని చెబుతున్నారు.