సామాన్య ప్రజలకు, రైతులకు, మధ్యతరగతికి, MSMEలకు గుడ్ న్యూస్.....

భారత ప్రభుత్వం పన్ను వ్యవస్థను మరింత సరళం, పారదర్శకంగా, మార్చేందుకు కొత్త జీఎస్టీ సవరణలతో ముందుకు వచ్చింది. ఈ మార్పులు సామాన్య ప్రజలు, రైతులు, మధ్యతరగతి, MSMEలకు నేరుగా లాభం చేకూర్చేలా రూపొందించబడ్డాయి. ముఖ్యంగా పన్ను రేట్ల తగ్గింపు, స్లాబ్‌ల సర్దుబాటు, ఇన్సూరెన్స్ ప్రీమియంపై మినహాయింపులు వంటి నిర్ణయాలు, భవిష్యత్‌లో వ్యాపారాలు మరియు వినియోగదారుల కోసం పన్ను వ్యవస్థను సులభతరం చేస్తాయి.

ఆర్థిక మంత్రి నిర్మలా సీతారామన్‌ ఇటీవల కేంద్రం చేపట్టిన "నెక్స్ట్-జెన్ జీఎస్టీ" సవరణలను వివరించారు. ఈ సవరణల ప్రధాన ఉద్దేశ్యం పన్ను వ్యవస్థను సరళం, పారదర్శకంగా ఉండాలని సీతారామన్ చెప్పారు. కొత్త మార్పుల ద్వారా సామాన్య ప్రజలు, రైతులు, మధ్యతరగతి, MSMEలకు మరింత రీయిఫ్‌ లభించనుందని.

సీతారామన్ విగ్యాన్ భవన్, న్యూ ఢిల్లీ వద్ద జీఎస్టీ కౌన్సిల్ కింద ఏర్పాటు చేసిన మూడు వర్గాల మంత్రుల (GoMs) సమావేశంలో తన ప్రణాళికను వివరించారు. ఈ మూడు GoMs కాంపెన్సేషన్ సెస్, హెల్త్ & లైఫ్ ఇన్సూరెన్స్, రేట్ రేషనలైజేషన్ పన్ను రేట్లను తగ్గించడం, వ్యాపారాలకు కాంప్లయెన్స్ భారం తగ్గించడం వంటి అంశాలను చర్చించాయి. సమావేశంలో కేంద్ర ఆర్థిక రాష్ట్ర మంత్రి, గోవా ముఖ్యమంత్రి, బీహార్ డిప్యూటీ సీఎం, ఇతర రాష్ట్ర ఆర్థిక మంత్రులు పాల్గొన్నారు.

ఈ GoMs రెండు రోజుల పాటు పన్ను రేట్ల రేషనలైజేషన్, ఇన్సూరెన్స్ పన్ను, కాంపెన్సేషన్ సెస్ అంశాలను చర్చిస్తాయి. సీతారామన్ వివరించినట్లుగా, కొత్త "నెక్స్ట్-జెన్ జీఎస్టీ"లో 5% మరియు 18% రేట్లపై పన్ను విధించబడుతుంది. అలాగే, కొన్ని ఉత్పత్తులపై ప్రత్యేకంగా 40% రేటు (సిన్ గూడ్స్) ఉండవచ్చని కేంద్రం ప్రతిపాదించింది.

ప్రస్తుత జీఎస్టీ రేట్లు 5%, 12%, 18% మరియు 28% వద్ద ఉన్నాయి. ఆహార, అవసర వస్తువులపై 0% లేదా 5% రేట్లు వర్తిస్తాయి. లగ్జరీ, డెమిరిట్ గూడ్స్‌ 28% రేటులో ఉంటాయి, దీనిపై అదనపు సెస్ కూడా ఉంటుంది.

GoM కాంపెన్సేషన్ సెస్, లోన్ రిపేమెంట్ తర్వాత సెస్ భవిష్యత్తును నిర్ణయిస్తుంది. GoM on ఇన్సూరెన్స్ ,హెల్త్ మరియు లైఫ్ ఇన్సూరెన్స్ ప్రీమియం పన్నును తగ్గించే లేదా మినహాయింపుని సూచిస్తుంది. GoM on రేట్ రేషనలైజేషన్ స్లాబ్‌లు మరియు రేట్లలో మార్పులు, కొన్ని రంగాల డ్యూటీ ఇన్వర్షన్ సమస్యలను తొలగించడం వంటి సూచనలు ఇస్తుంది. ఈ GoM రేపు ఆగస్టు 21న తిరిగి సమావేశంలో మాట్లాడతారు.

SBI రీసెర్చ్ రిపోర్ట్ ప్రకారం, కొత్త జీఎస్టీ సవరణలు అమలు అయితే ప్రభుత్వానికి సంవత్సరానికి సుమారు రూ. 85,000 కోట్ల రెవెన్యూ లోటు ఉండవచ్చు. ఈ ఆర్థిక సంవత్సరంలో అక్టోబర్ 1 నుంచి కొత్త రేట్లు అమలు అయితే, ఈ లోటు సుమారు రూ. 45,000 కోట్లు వరకు ఉండవచ్చని అంచనా.

ప్రభుత్వానికి రాబడిలో ఏర్పడే లోటును భరించుకోవడానికి కొన్ని మార్గాలు ఉన్నాయి. మొదట, కొన్ని ప్రత్యేక ఉత్పత్తులపై సెస్ లేకుండా వేతనాలు లేదా ఇతర పన్నులను వేరుగా వసూలు చేసి అదనపు రాయితీలు లేకుండా రెవెన్యూ సేకరించవచ్చు. దానితో పాటు, లగ్జరీ గూడ్స్, సిన్ గూడ్స్, కాంపెన్సేషన్ సెస్ వంటి ఇతర పన్నుల ద్వారా లోటును తీర్చవచ్చు. అదనంగా, ప్రభుత్వ ఖర్చులను సర్దుబాటు చేసి వ్యయాలను తగ్గించడం ద్వారా కూడా లోటును కవర్ చేయవచ్చు. దీర్ఘకాలికంగా చూస్తే, ఈ జీఎస్టీ సవరణల వల్ల వ్యాపారాలు మరియు MSMEs పెరుగుతాయి, దాంతో ప్రభుత్వానికి మరింత రాబడి లభించనుంది.

ఈ GoMs సూచనలు ఆమోదం పొందిన తర్వాత, జీఎస్టీ కౌన్సిల్ ముందు ఉంచబడతాయి. ప్రధాన మంత్రి నరేంద్ర మోడీ దీపావళి నాటికి జీఎస్టీ సవరణలను అమలు చేయాలని ప్రకటించారు. SBI రీసెర్చ్ ప్రకారం, జీఎస్టీ ప్రారంభ సమయంలో సగటు రేటు 14.4% నుండి సెప్టెంబర్ 2019లో 11.6%కి తగ్గింది. ఈ రేట్ల రేషనలైజేషన్ తర్వాత సగటు రేటు 9.5%కి పడవచ్చు.

కొత్త జీఎస్టీ సవరణలు సామాన్య ప్రజలకు, రైతులకు, MSMEలకు లాభాలను తీసుకొస్తాయి. రేట్ల తగ్గింపు, స్లాబ్‌ల సర్దుబాటు, ఇన్సూరెన్స్ పన్నుల మినహాయింపు వంటి మార్పులు వ్యాపారాలకు సరళతను ఇస్తాయి, అలాగే పన్ను వ్యవస్థను మరింత పారదర్శకంగా, వృద్ధి ముఖ్యంగా మార్చే ప్రయత్నం.