గూగుల్ మ్యాప్స్ కొత్త అప్ డేట్, మిస్సైన వాటిని యాడ్ చేయవచ్చు

గూగుల్ మ్యాప్స్ కొత్త ఫీచర్ అందుబాటులోకి రానుంది. చాలామంది గూగుల్ మ్యాప్స్ ఆధారంగా తమ గమ్యస్థానాలకు వెళ్తుంటారు. అయితే కొన్ని సందర్భాల్లో గూగుల్ మ్యాప్ మరో ప్రాంతానికి తీసుకువెళ్లడం లేదా చుట్టూ తిరిగి గమ్యస్థానానికి చేర్చడం తెలిసిందే. ఇలాంటి సందర్భాల్లో మనకు సమయం, ఇంధనం వృథా అవుతుంది. తప్పుగా చూపించిన మార్గాలను రిపోర్ట్ చేసినా అంత ఫలితం కనిపించదు. అయితే భవిష్యత్తులో గూగుల్ మ్యాప్స్ నుండి ఇలాంటి పరిస్థితులు ఎదురుకాకపోవచ్చు.

ఎందుకంటే తప్పుగా చూపించిన మార్గాలను గూగుల్ మ్యాప్స్‌లో మనం ఎడిట్ చేసే ఆప్షన్ అందుబాటులోకి వస్తుంది. అంతేకాదు, మిస్ అయిన రోడ్లను కూడా యాడ్ చేయవచ్చు. వారం రోజుల్లో యూజర్లు అప్ డేట్ చేసిన అంశాన్ని పరిశీలించి ఆ మార్గాలను అప్ డేట్ చేయనుంది. ఈ మేరకు గూగుల్ బ్లాగ్ ద్వారా తెలిపింది. ఈ టూల్ ప్రస్తుతం టెస్టింగ్ దశలో ఉంది.

ఈ కొత్త ఫీచర్‌ను రానున్న రోజుల్లో దాదాపు ఎనభై దేశాల్లో అందుబాటులోకి తీసుకు రానున్నారు. యూజర్లు అప్ డేట్ చేసే దిద్దుబాట్లను కచ్చితమైనవిగా గూగుల్ నిర్ధారించుకుంటుంది.