Netflix: నెట్‌ఫ్లిక్స్ యూజర్లకు బ్యాడ్ న్యూస్.. మరోసారి షాకిచ్చేందుకు ప్లాన్ రెడీ!

Netflix: గతంలో సినిమా చూడాలంటే థియేటర్‌ కు వెళ్లి, క్యూలైన్లలో నిలబడి, టికెట్ల కోసం తన్నుకోవాల్సి వచ్చేది. కానీ టెక్నాలజీ పుణ్యమా అని ప్రస్తుతం పరిస్థితి పూర్తిగా మారిపోయింది. OTTల ద్వారా ఇంట్లోనే చూసే అవకాశం లభిస్తోంది. కాగా ప్రముఖ OTT ప్లాట్‌ ఫారమ్ నెట్‌ ఫ్లిక్స్ మరోసారి యూజర్లకు షాక్ ఇవ్వనుంది.

ప్రముఖ స్ట్రీమింగ్ ప్లాట్‌ ఫారమ్ నెట్‌ ఫ్లిక్స్ తన యూజర్లకు బ్యాడ్ న్యూస్ చెప్పనున్నట్లు నివేదికలు వెలువడుతున్నాయి. మరోసారి సబ్‌ స్రైబర్లపై భారాన్ని మోపేందుకు సిద్ధమవుతోంది. తన సబ్‌ స్క్రిప్షన్ ధరలను పెంచే అవకాశాన్ని పరిశీలిస్తోందట. పెరిగిన ధరలను మొదటగా US, కెనడాలో ప్రవేశపెట్టేందుకు ప్రణాళికలు రచిస్తున్నట్లు సమాచారం.

ఇటీవల హాలీవుడ్ సమ్మె సమయంలో ఏర్పడిన ఆదాయ నష్టాలను భర్తీ చేయడానికి ఈ నిర్ణయం తీసుకున్నట్లు మీడియా నివేదికలు చెబుతున్నాయి. ఈ ఏడాదిలోనే నెట్‌ ప్లిక్స్ తన యాడ్-ఫ్రీ స్టాండర్ట్ టైర్ ధరను నెలకు 15.49 డాలర్లు, ప్రీమియం ప్లాన్‌ ను 19.99కి పెంచింది. అదనంగా 9.99 డాలర్ల బేసిక్ యాడ్-ఫ్రీ ప్లాన్ ను నిలిపివేసి.. దాని స్థానంలో 6.99 డాలర్ల యాడ్-సపోర్టెడ్ ప్లాన్ ప్రవేశపెట్టింది.

ఈ మార్పులతో ఏర్పడిన పాస్‌వర్డ్ షేరింగ్‌ సమస్యను ఎదుర్కోవడానికి నెట్‌ఫ్లిక్స్ ప్రయత్నాలు ముమ్మరం చేసింది. ఇతరులతో అకౌంట్ షేరింగ్‌ కోసం నెలకు అదనంగా 7.99 డాలర్లు వసూలు చేయడం ప్రారంభించింది. కాగా ఈసారి ఎంతమేరకు పెంచనుందనే విషయంపై స్పష్టత రావాల్సి ఉంది. అయితే ఇతర ప్లేయర్స్ సైతం ఇదే బాటలో నడిచే అవకాశం ఉందని అంచనా.