Neeraj Kakkar: వేల కోట్ల రూపాయలకు అధిపతిని చేసిన ఒక్క ఆలోచన..!

ఓ ఆఫీస్ లో కొంత మంది ఉద్యోగులు కలిసి లంచ్ చేస్తున్నారు. ఓ ఉద్యోగి ఇంటి వద్ద తమ అమ్మ చేసిన జ్యూస్ తీసుకొచ్చింది. అది తాగిన నీరజ్ కక్కర్ అనే వ్యక్తి.. టెస్ట్ బాగుంది.. ఇలాంటి టెస్ట్ మార్కెట్ లో దొరికే జ్యూసుల్లో లేదన్నాడు. అప్పుడే అతనికి ఓ జ్యూస్ కంపెనీ పెట్టాలని ఆలోచన వచ్చింది. దీంతో పేపర్ బోట్ కంపెనీ పురుడు పోసుకుంది. ఇప్పుడు ఆ కంపెనీ వందల కోట్ల కంపెనీగా మారింది. నీరజ్ కక్కర్ పేపర్ బోట్ డ్రింక్స్ తయారు చేసే హెక్టర్ బెవరేజెస్ కంపెనీకి CEO, సహ వ్యవస్థాపకుడిగా ఉన్నాడు.

నీరజ్ కక్కర్ 2009లో కంపెనీని స్థాపించారు. అతని కంపెనీ టిజింగా ఎనర్జీ డ్రింక్‌ని కూడా ఉత్పత్తి చేస్తుంది. కంపెనీ ప్రధాన కార్యాలయం బెంగళూరులో ఉంది. కక్కర్ అంతకు ముందు కోకాకోలా కంపెనీలో జనరల్ మేనేజర్ గా పని చేశాడు. యునైటెడ్ స్టేట్స్‌లోని వార్టన్ స్కూల్ లో MBA, గుర్గావ్‌లోని మేనేజ్‌మెంట్ డెవలప్‌మెంట్ ఇన్‌స్టిట్యూట్ లో MBA చేశాడు. పేపర్ బోట్స్ తమ ఉత్పత్తులకు ప్రత్యేకమైన భారతీయ అభిరుచికి పేరుగాంచిన కంపెనీగా ఉంది. గత ఏడాది ఆగస్టులో 50 మిలియన్ డాలర్లు సేకరించింది. 2020లో, వారు రూ. 600 కోట్ల విలువతో డబ్బును సేకరించారు.

కక్కర్ 2.5 కోట్ల సీడ్ క్యాపిటల్‌తో కంపెనీని ప్రారంభించాడు. అతని సహ వ్యవస్థాపకులు సుహాస్ మిశ్రా, జేమ్స్ నట్టాల్, నీరజ్ బియానీ ఉన్నారు. వారి మొదటి ఉత్పత్తి Tzinga ఒక శక్తి పానీయంగా మార్కెట్ లోకి వచ్చింది. వారు తరువాత పేపర్ బోట్‌ను ప్రారంభించారు. కోకాకోలాలో తన జూనియర్ అయిన సుహాస్ మిశ్రా తన స్ఫూర్తి అని చెప్పాడు. తనకంటే మూడేళ్ల ముందే తాను పారిశ్రామికవేత్తను అయ్యానని చెప్పారు. హెలియన్ వెంచర్స్‌లో సహ వ్యవస్థాపకుడు కన్వల్‌జిత్ సింగ్ తన ముగ్గురు స్ఫూర్తిదాయక వ్యక్తులలో ఒకరని కక్కర్ అన్నారు.

వ్యాపారం ప్రారంభించడానికి ఆహారమే అత్యుత్తమ రంగం అని ఆయనే చెప్పారు. ఇన్ఫోసిస్‌ను బిలియన్ డాలర్ల కంపెనీగా మార్చడానికి తనకు 33 ఏళ్లు పట్టిందని నారాయణమూర్తి ఒకసారి రాశారని ఆయన అన్నారు. అయితే తదుపరి బిలియన్ కేవలం 18 నెలల్లో వస్తుందని పేర్కొన్నట్లు కక్కర్ వివరించారు.