ఫ్లిప్‌కార్ట్ అనైతిక విధానాలపై విచారణకు ఆదేశం

ఈ-కామర్స్ దిగ్గజం ఫ్లిప్‌కార్ట్ తన ఆధిపత్య స్థానాన్ని దుర్వినియోగం చేస్తోందని, అనైతిక విధానాలకు పాల్పడుతోందని ఆరోపణలు వచ్చాయి. దీనిపై విచారణ జరపాలని కాంపిటీషన్ కమిషన్ ఆఫ్ ఇండియా (CCI)ని నేషనల్ కంపెనీ లా అప్పీలేట్ ట్రైబ్యునల్ (NCLAT) ఆదేశించింది.

ఇంతకుముందు ఈ విషయమై CCI ఇచ్చిన ఆదేశాలను జస్టిస్ ఎస్‌జె ముఖోపాధ్యాయ నేతృత్వంలోని ముగ్గురు సభ్యుల NCLAT బెంచ్ పక్కన పెట్టింది. సీసీఐ విచారణ భాగమైన డైరెక్టరేట్ జనరల్ విచారణ జరపాలని ఆదేశించింది. పుస్తకాలు, సెల్ ఫోన్లు, కంప్యూటర్స్, అనుబంధ పరికరాల విభాగంలో హోల్‌సేల్ బిజినెస్, పంపిణీని ఫ్లిప్‌కార్ట్ నిర్వహిస్తోందని ఆలింటియా ఆన్‌లైన్ వెండర్స్ అసోసియేషన్ (AIOVA) ఫిర్యాదు చేసింది.

AIOVA 2018 నవంబర్ నెలలో CCIని ఆశ్రయించింది. దీనిపై డీజీ చేత పూర్తిస్థాయి విచారణ జరిపించాలని ఎన్సీఎల్ఏటీ ఆదేశించింది. ఆన్ లైన్ ప్లాట్ ఫాం ద్వారా చిన్న వర్తకులు నేరుగా కస్టమర్లకు విక్రయించాల్సి ఉండగా, ఇందుకు భిన్నంగా క్లౌడ్ టౌల్, డబ్ల్యూఎస్ రిటైల్ వంటి పెద్ద వర్తకులు, సప్లయిర్లతో విక్రయాలు నిర్వహించేందుకు ఫ్లిప్‌కార్ట్ అవకాశం కల్పించిందిని ఆరోపణలు ఉన్నాయి.