క్యాంపస్ వద్ద మెంటార్, ఆవిష్కరించిన NHRD

నేషనల్ HRD నెట్ వర్క్(NHRD) తెలుగు రాష్ట్రాల విద్యాసంస్థల్లోని విద్యార్థుల ఉద్యోగార్హత నైపుణ్యాలను మెరుగుపరచడంలో సహాయపడేందుకు ఓ వినూత్నమైన కార్యక్రమాన్ని లాంఛనంగా ప్రారంభించింది. NHRD హైదరాబాద్ చాప్టర్ మేనేజ్‌మెంట్‌లో తాజా ధోరణులను గురించి ఫ్యాకల్టీకి వెల్లడించడం, తగిన మద్దతును అందించడం, పరిశ్రమతో సమన్వయం కలిగించడం ద్వారా విద్యాసంస్థలను బలోపేతం చేసేందుకు ప్రణాళికను సిద్ధం చేసింది. పరిశ్రమ అంచనాలను అర్థం చేసుకోవడం, తామంతట తాముగా ఇంటర్న్‌‌షిప్స్‍‌కు అందుబాటులో ఉండటం, ఇంటర్వ్యూల కోసం సిద్ధ కావడం కోసం విద్యార్థులకు సహాయం అవసరం.

ఈ సవాళ్ళ నేపథ్యంలో వినూత్నమైన కార్యక్రమం గెట్ సెట్ గో-మెంటార్ @క్యాంపస్ ద్వారా పరిష్కరించే ప్రయత్నం NHRD చేస్తోంది. ఈ రంగంలో నిష్ణాతులైన దాదాపు 100 ప్రాక్టిసింగ్ ప్రొఫెషనల్స్.. ఎంపిక చేసిన ప్రీమియర్ బీ-స్కూల్ విద్యార్థులతో నేరుగా లేదా వర్చువల‌గా మాట్లాడి, మెంటార్ చేయనున్నారు.

విద్యార్థులతో సంభాషించడంతో పాటుగా పరస్పర నైపుణ్యాలను నిర్మించుకోవడం, రెజ్యూమె రాయడం, ఇంటర్న్‌షిప్స్ కోసం తమను తాము సిద్ధం చేసుకోవడం, ఇంటర్వ్యూ నైపుణ్యాలకు పదును పెట్టడం వంటి అంశాలలో సదస్సులు నిర్వహిస్తారు. ఎంపికచేసుకున్న బీ-స్కూల్స్‌లో లెర్నింగ్ సర్కిల్స్ లేదా క్లబ్స్‌ను సృష్టించడానికి NHRD ప్రయత్నించడంతో పాటుగా ఈ క్లబ్స్‌ను విద్యార్థులే తమంతట తాముగా పరిశ్రమ మెంటార్, ఫ్యాకల్టీ మార్గనిర్ధేశకంలో నిర్వహించేలా తీర్చిదిద్దుతుంది.