Bhuvaneshwari: భారీగా పెరిగిన నారా భువనేశ్వరి ఆస్తులు.. !

నారా భువనేశ్వరి వాటాదారుగా ఉన్న హెరిటేజ్ ఫుడ్స్ లిమిటెడ్ స్టాక్ భారీగా పెరుగుతోంది. అప్పర్ సర్క్యూట్లను తాకుతోంది. శుక్రవారం కూడా హెరిటేజ్ ఫుడ్స్ స్టాక్ భారీగా పెరిగింది. 10 శాతం పెరిగి అప్పర్ సర్క్యూట్ లో లాక్ అయింది. ఈ రోజు రూ.60 పెరిగి రూ.661 వద్ద ట్రేడవుతోంది. హెరిటేజ్ ఫుడ్స్ షేర్లు గురువారం నాడు 10 శాతం కంటే ఎక్కువ జంప్ చేసి రూ. 601.60కి చేరాయి.

రెండవ వరుస సెషన్‌కు ఎగువ సర్క్యూట్‌ను తాకి 5,500 కోట్ల కంటే ఎక్కువ మార్కెట్ క్యాపిటలైజేషన్‌ను సాధించిన సంగతి తెలిసిందే.గత నాలుగు సెషన్లలో ఈ స్టాక్ 55 శాతానికి పైగా పెరిగింగి. గత 30 రోజుల్లో కౌంటర్ 100 శాతానికి పైగా పెరిగింది. 2024 సంవత్సరంలో ఇప్పటివరకు స్టాక్ 150 శాతానికి పైగా పెరిగింది. హెరిటేజ్ గ్రూప్‌ను 1992లో టీడీపీ అధినేత చంద్రబాబు నాయుడు, డెయిరీ, రిటైల్, అగ్రి అనే మూడు వ్యాపార విభాగాలతో హెరిటేజ్ ఫుడ్స్ కింద స్థాపించిన సంగతి తెలిసిందే.

హెరిటేజ్ ఫుడ్స్ ప్రమోటర్లలో ఎన్ చంద్రబాబు నాయుడు తనయుడు నారా లోకేష్ ఒకరని కంపెనీ ఎక్స్ఛేంజ్ ఫైలింగ్ పేర్కొన్నారు.అసెంబ్లీ ఎన్నికల్లో తెలుగుదేశం పార్టీ (టిడిపి) విజయం సాధించింది. చంద్రబాబు నాయుడు ఆంధ్రప్రదేశ్‌కి కొత్త ముఖ్యమంత్రి ప్రమాణస్వీకారం చేయబోతున్నారు. దీంతో హెరిటేజ్ ఫుడ్స్ షేర్లు దలాల్ స్ట్రీట్‌లోని పెట్టుబడిదారుల దృష్టిని ఆకర్షిస్తున్నాయి. మార్చి త్రైమాసికం చివరి నాటికి ప్రమోటర్ వాటా 41.30 శాతంగా ఉన్న హెరిటేజ్ ఫుడ్స్‌లో కీలక వాటాదారుగా చంద్రబాబు నాయుడు భార్య నారా భువనేశ్వరి ఉన్నారు.

మార్చి త్రైమాసికం చివరి నాటికి ఆమె హెరిటేజ్ ఫుడ్స్‌లో 2,26,11,525 షేర్లు లేదా 24.37 శాతం వాటాను కలిగి ఉన్నారు. హెరిటేజ్ ఫుడ్స్ స్టాక్ భారీగా పెరగడంతో నారా భువనేశ్వరి సంపద ఐదు రోజుల్లో రూ. 579 కోట్లు పెరిగినట్లు తెలుస్తోంది. స్టాక్ పనితీరు బట్టి కొనుగోలు చేయాలి. అంతే తప్ప ఫోమోలో పడి స్టాక్స్ కొనకూడదని నిపుణులు చెబుతున్నారు.