Bonus Multibagger: ఒక్కో షేరుకు 4 షేర్లు ఉచితం.. సంతోషంలో ఇన్వెస్టర్లు..

Multibagger Stock: మార్కెట్లలో స్మాల్ క్యాప్ క్యాటగిరీలోని అనేక కంపెనీలు తమ ఇన్వెస్టర్లను రాబడులతో ఆశ్చర్యపరుస్తున్నాయి. కొన్ని మల్టీబ్యాగర్ రాబడులను అందిస్తుండగా.. మరికొన్ని బోనస్ షేర్లను అందిస్తున్నాయి.

ఇప్పడు మనం తెలుసుకోబోతున్నది అన్మోల్ ఇండియా లిమిటెడ్ స్మాల్‌క్యాప్ కంపెనీ షేర్ల గురించే. ఈ కంపెనీ షేర్లు తమ ఇన్వెస్టర్లకు అద్భుతమైన రాబడిని అందించింది. ఈ క్రమంలో ఇప్పుడు కంపెనీ ఒక్కో షేరుకు 4 బోనస్ షేర్లను ఇవ్వాలని నిర్ణయించింది. అయితే ఇందుకు సంబంధించిన రికార్డు తేదీనీ ప్రస్తుతం ప్రకటించలేదు. బోనస్ పంపిణీకి సన్నాహాల్లో కంపెనీ నిమగ్నమై ఉంది.

స్టాక్ మార్కెట్లకు ఇచ్చిన అన్మోల్ ఇండియా లిమిటెడ్ అందించిన సమాచారం ప్రకారం రూ. 10 ఫేస్ వ్యాల్యూ కలిగిన ఒక్కో షేరుకు నాలుగు బోనస్ షేర్లను కంపెనీ జారీ చేస్తోంది. అంటే ఎవరైనా ఇన్వెస్టర్ రికార్డు తేదీ నాటికి కంపెనీలో కలిగి ఉన్న ప్రతి షేరుకు నాలుగు షేర్లు ఉచితంగా పొందుతారు. కంపెనీ షేర్లు పొందటానికి అర్హత పొందాలంటే రికార్డు తేదా నాటికి రికార్డు పుస్తకాల్లో ఇన్వెస్టర్ల పేరు తప్పక ఉండాలి.

నేడు మధ్యాహ్నం 3.27 గంటల సమయంలో ఎన్ఎస్ఈలో రూ.245.30 వద్ద ట్రేడవుతోంది. గడచిన నెలరోజుల్లో స్టాక్ ఇన్వెస్టర్లకు దాదాపు 8 శాతం రాబడిని అందించింది. అలాగే ఏడాది కాలంలో ఏకంగా 39 శాతం రాబడినిచ్చింది. 1998లో ప్రారంభించబడిన ఈ కంపెనీ బొగ్గు దిగుమతి, బొగ్గు ట్రేడింగ్ వ్యాపారంలో నిమగ్నమై ఉంది. BSEలో కంపెనీ షేర్ 52 వారాల గరిష్ఠ స్థాయి రూ.258.75 ఉండగా.. 52 వారాల కనిష్ట షేర్ ధర రూ.121.15 వద్ద ఉంది.