Anant Ambani: అంబానీ ఇంట పెళ్లి.. రిలయన్స్ బ్రాండ్‌‌కు ప్రపంచ పబ్లిసిటీ..

Anant-Radhika wedding: దేశంలో ప్రస్తుతం అందరి చూపు ప్రముఖ వ్యాపారవేత్త ముఖేష్ అంబానీ ఇంట జరుగుతున్న పెళ్లి గురించే. గత కొన్ని నెలలుగా కొనసాగుతున్న ఈ ప్రక్రియ నేటితో ముగియనుంది.

బిలియనీర్ ముఖేష్ అంబానీ ఇంట అర్థ సంవత్సరంగా కొనసాగుతున్న వారసుడి పెళ్లి వేడుక కోలాహలానికి ప్రపంచ నలుమూలల నుంచి వ్యాపారవేత్తలు, రాజకీయ ప్రముఖులు, సినీ ప్రముఖులు, నృత్య కళాకారులు, సింగర్లు ఇలా అనేక మందిని పిలిచారు. అంబానీ చిన్న కుమారుడు అనంత్ వివాహం ముంబైలోని జియో వరల్డ్ సెంటర్లో అంగరంగ వైభవంగా జరిగిన వేల ప్రపంచ మీడియా మెుత్తం దృష్టిని ఈ వివాహ వేడుక ఆకర్షించింది.

దీంతో రిలయన్స్ బ్రాండ్ అంబానీ దేశంలోని కోట్లాది మంది ప్రజలతో పాటు ప్రపంచ వ్యాప్తంగా పరిచయం అయ్యింది. అంబానీ భారతదేశంలో ఈవెంట్‌లను నిర్వహించడం స్థానిక ఆర్థిక వ్యవస్థకు ఊతం ఇచ్చింది. అదే సమయంలో స్టార్-స్టడెడ్ వేడుకలు కూడా కుటుంబానికి చెందిన కార్పొరేట్ బ్రాండ్ రిలయన్స్ ప్రపంచ వేదికపై ఒక లెగ్ అప్ ఇచ్చాయని నిపుణులు అంటున్నారు. గ్లోబల్ బిజినెస్ కమ్యూనిటీ బ్రాండ్ రిలయన్స్ లేదా అంబానీలకు కొత్తేమీ కాదు. దశాబ్దాలుగా భారతదేశానికి చెందిన అత్యంత ధనిక కుటుంబం అంబానీలది.

నెలరోజుల పాటు జరిగే ఆచారాలతో అంబానీ వివాహం ఖచ్చితంగా స్థానిక ఆర్థిక వ్యవస్థకు బూస్టర్‌గా పనిచేసిందని బిజినెస్ అండ్ బ్రాండ్ స్ట్రాటజీ నిపుణుడు హరీష్ బిజూర్ అన్నారు. దేశ జీడీపీకి వివాహ ఆర్థిక వ్యవస్థ గణనీయంగా దోహదపడుతుందని పేర్కొన్నారు. పెళ్లిళ్లకు డబ్బు ఖర్చు చేయడంతో ఆర్థిక వ్యవస్థ పుంజుకుని అభివృద్ధికి సహాయపడుతుందన్నారు. ఇటువంటి ఖర్చులు మరింత ఉద్యోగాలు, కార్యకలాపాలు, ఆదాయం, తత్ఫలితంగా ప్రజల చేతుల్లోకి మరింత డబ్బును సృష్టిస్తుందని చెప్పారు.

ప్రతి సంవత్సరం దాదాపు 5,000 మంది సంపన్న జంటలు విదేశీ ప్రదేశాలలో వివాహ వేడుకలను నిర్వహిస్తారు. వీరంతా కలిసి స్థానిక వ్యాపారాలకు ఏడాదికి రూ.75,000 కోట్ల నుంచి రూ.లక్ష కోట్ల ఆదాయాన్ని దూరం చేస్తున్నారని కాన్ఫెడరేషన్ ఆఫ్ ఆల్ ఇండియా ట్రేడర్స్(CAIT) అంచనా వేసింది. సాధారణంగా ఒక పెళ్లిలో దాదాపు 80 శాతం ఖర్చు వస్తువులు, సేవలపై వెచ్చిస్తారు. నగదు అనేక సార్లు చేతులు మారుతున్నందున ప్రజల చేతుల్లో ఆర్థిక లిక్విడిటీని ప్రారంభించడం ద్వారా డబ్బు స్థానిక మార్కెట్‌లోకి ప్రవహిస్తుంది. అందువలన ఇది ఆర్థిక వ్యవస్థకు సహాయపడుతుంది. 2024లో రాబోయే కొద్ది నెలల్లో జరగనున్న 38 లక్షల వివాహ వేడుకల నుండి రూ.4.74 లక్షల కోట్ల బూస్ట్‌ని స్థానిక వ్యాపారాలు ఆశిస్తున్నాయి.