Sonia Gandhi-Mukesh Ambani: సోనియా గాంధీని కలిసిన ముఖేశ్ అంబానీ..!

దేశంలోని అత్యంత సంపన్న బిలియనీర్, రిలయన్స్ ఇండస్ట్రీస్ ఛైర్మన్, మేనేజింగ్ డైరెక్టర్ ముఖేష్ అంబానీ కాంగ్రెస్ అధినేత్రి సోనియా గాంధీని కలిశారు. 10 జన్‌పథ్‌లోని సోనియా నివాసానికి వెళ్లిన ముఖేష్ అంబానీ తన కుమారుడు అనంత్ అంబానీ వివాహ ఆహ్వాన పత్రిక అందించారు.
ప్రస్తుతం సోనియా గాంధీ ప్రస్తుతం రాజ్యసభ ఎంపీగా, కాంగ్రెస్ పార్లమెంటరీ పార్టీ అధ్యక్షురాలిగా ఉన్నారు. ముకేశ్ అంబానీ చిన్న కుమారుడు అనంత్ అంబానీ వివాహం జూలై 12న ముంబైలోని జియో వరల్డ్ సెంటర్‌లో జరగనుంది.

నిన్న అంటే బుధవారం అనంత్ అంబానీ, రాధిక మర్చంట్ వివాహ వేడుకలో భాగంగా అంబానీ ఫ్యామిలీ మమ్రు వేడుక నిర్వహించింది. అనంత్ అంబానీ తన కాబోయే భార్య రాధిక మర్చంట్‌తో వివాహం ఎప్పటి నుంచో వార్తల్లో నిలుస్తోంది. వారి రెండు ప్రీ-వెడ్డింగ్ వేడుకలకు భారతదేశం, విదేశాల నుంచి పెద్ద సెలబ్రిటీలు, వ్యాపారవేత్తలు హాజరయ్యారు. అనంత్, రాధికల పెళ్లికి సంబంధించిన ఇన్విటేషన్లు అతిథులకు అందుతుండగా, స్వయంగా ముఖేష్ అంబానీ ప్రత్యేక అతిథులను ఆహ్వానించబోతున్నారు.

ఈ క్రమంలోనే గత నెల జూన్ 26న ముఖేష్ అంబానీ మహారాష్ట్ర ముఖ్యమంత్రి ఏక్‌నాథ్ షిండేను కలిసి తన కుమారుడి పెళ్లికి ఆహ్వానించారు. రాధికా మర్చంట్, అనంత్ అంబానీల వివాహానికి ముందు, జూలై 3, బుధవారం ముంబైలో సాంప్రదాయ గుజరాతీ 'మమేరు' వేడుకను నిర్వహించారు. ఈ వేడుకకు అంబానీ కుటుంబం మొత్తం హాజరయ్యారు మరియు రాధిక మర్చంట్ కుటుంబ సభ్యులు కూడా వేడుకలో భాగమయ్యారు.

రాధికా మర్చంట్‌తో అనంత్-రాధికల గ్రాండ్ వెడ్డింగ్ 12 జూలై 2024న ముంబైలోని ముఖేష్ అంబానీ వరల్డ్ జియో సెంటర్‌లో జరగనుంది. జూలై 12వ తేదీన అనంత్, రాధిక వివాహం జరగనుంది. పవిత్రమైన ఆశీర్వాద కార్యక్రమం జూలై 13న, గ్రాండ్ రిసెప్షన్ జూలై 14న ఉండనుంది.