Layoff's: మెటా ఊచకోత పూర్తి కాలేదు.. వచ్చే వారం మళ్లీ ఫైరింగ్ స్టార్ట్.. పాపం ఉద్యోగులు
Meta Layoff's: ఫేస్బుక్, ఇన్స్టాగ్రామ్, వాట్సాప్ మాతృ సంస్థ మెటా వచ్చే వారం ఉద్యోగుల తొలగింపులను ప్రారంభిస్తున్నట్లు ప్రకటించింది. నెలలు గడుస్తున్నా ఉద్యోగాల కోతలు ఆగకపోవటంతో చాలా మంది ఆందోళన చెందుతున్నారు.
గురువారం ఉద్యోగులతో ప్రశ్నోత్తరాల సెషన్ను నిర్వహించిన ఎగ్జిక్యూటివ్లు తొలగింపులపై క్లారిటీ ఇచ్చారు. తాజా తొలగింపులు మెటా వ్యాపార విభాగాలపై ప్రభావం చూపుతాయని అలాగే వేలాది మంది ఉద్యోగులు ప్రమాదంలో పడతారని వెల్లడైంది. ఇది చాలా ఆందోళనకరమైన, అనిశ్చితితో కూడుకున్న సమయమని మెటా గ్లోబల్ అఫైర్స్ ప్రెసిడెంట్ నిక్ క్లెగ్ అభిప్రాయపడ్డారు. తొలగించబడే ఉద్యోగులకు ముందుగా తెలియజేస్తామని.. ఆ తర్వాత ప్రభావితం కాని ఉద్యోగులకు సమాచారమిస్తామని ఆయన వెల్లడించారు.
ఈ రౌండ్ తొలగింపుల ఖచ్చితమైన పరిధిని కంపెనీ ఎగ్జిక్యూటివ్లు స్పష్టంగా ధృవీకరించనప్పటికీ.. నవంబర్లో 11,000 స్థానాలను తగ్గించిన తర్వాత మే చివరి నాటికి 10,000 స్థానాలను తొలగించాలని మెటా యోచిస్తున్నట్లు జుకర్బర్గ్ గతం మార్చిలో పేర్కొన్నారు. మునుపటి నెలలో Meta ఇప్పటికే దాదాపు 4,000 స్థానాలను తగ్గించింది. అయితే రాబోయే రౌండ్లో దాదాపు 6,000 స్థానాలు ఎలిమినేషన్కు గురయ్యే అవకాశం ఉందని తెలుస్తోంది. 2022 చివరి నాటికి Metaలో దాదాపు 86,000 మంది ఉద్యోగులు ఉన్నారు.
తొలగింపులకు సంబంధించి తదుపరి వ్యాఖ్యలను అందించడానికి మెటా ప్రతినిధి నిరాకరించారు. రాబోయే తొలగింపుల చుట్టూ ఉన్న అనిశ్చితి సంస్థలో ఇప్పటికే సవాలుతో కూడిన వాతావరణానికి అద్ధం పడుతోంది. అయితే క్లెగ్ అటువంటి పరిస్థితుల నేపథ్యంలో వారి స్థితిస్థాపకత, వృత్తి నైపుణ్యం కోసం ఉద్యోగులను ప్రశంసించారు.