26 ఏళ్ల తర్వాత ఫలించిన కల, టాటా కంపెనీ కొత్త బాస్‌గా ఎస్.పద్మనాభన్‌..ఎన్ చంద్రశేఖరన్ రాజీనామా

టాటా గ్రూప్‌లో కీలక పరిణామం చోటు చేసుకుంది. చైర్మన్ పదవికి ఎన్ చంద్రశేఖరన్ రాజీనామా చేశారు. టాటా సన్స్ చైర్మన్ 'ఎన్ చంద్రశేఖరన్' టాటా కెమికల్స్ డైరెక్టర్ అండ్ ఛైర్మన్ పదవి నుంచి తప్పకున్నట్లుగా బుధవారం ఎక్స్ఛేంజ్ ఫైలింగ్స్‌లో కంపెనీ వెల్లడించింది.అలాగే ఎన్ చంద్రశేఖరన్ పదవి నుంచి వైదొలిగిన తరువాత.. 2025 మే 30 నుంచి 'ఎస్. పద్మనాభన్‌' కొత్త చైర్మన్ బాధ్యతలను తీసుకుంటున్నట్లు కంపెనీ తెలిపింది.

1982లో టాటా కన్సల్టెన్సీ సర్వీసెస్ లిమిటెడ్‌లో తన కెరీర్‌ను ప్రారంభించిన పద్మనాభన్, డిసెంబర్ 2016లో టాటా కెమికల్స్ లిమిటెడ్‌లో నాన్-ఎగ్జిక్యూటివ్ డైరెక్టర్‌గా పనిచేశారు. 1982లో భారతదేశంతో సహా వివిధ దేశాలకు సాఫ్ట్‌వేర్ ప్రాజెక్టులు మరియు సంబంధిత లాజిస్టిక్స్‌తో వ్యవహరించారు. ఎస్. పద్మనాభన్‌ 1982 నుండి 2008 వరకు 26 సంవత్సరాలకు పైగా TCSలో పనిచేశాడు. చివరికి మానవ వనరుల ఎగ్జిక్యూటివ్ డైరెక్టర్ పదవికి చేరుకున్నాడు.

ఆ తరువాత ఆయన 2008 నుండి 2014 వరకు టాటా పవర్ కార్యకలాపాల ఎగ్జిక్యూటివ్ డైరెక్టర్‌గా పనిచేశారు. విద్యుత్ ఉత్పత్తి, ప్రసారం, పంపిణీ వ్యాపారాన్ని ఆయన నిర్వహించారు. సంస్థ యొక్క ఆపరేటింగ్ అనుబంధ సంస్థల బోర్డులలో కూడా ఆయన పనిచేశారు.ఆయన టాటా సన్స్ లో గ్రూప్ చీఫ్ హ్యూమన్ రిసోర్సెస్ ఆఫీసర్ గా పనిచేశారు. టాటా బిజినెస్ ఎక్సలెన్స్ గ్రూప్, టాటా గ్రూప్ ఎథిక్స్ ఫంక్షన్ కు కూడా ఆయన నాయకత్వం వహించారు.

పద్మనాభన్ 2014 నుండి గవర్నింగ్ కౌన్సిల్ ఆఫ్ బిజినెస్ ఎక్సలెన్స్ కు చైర్ పర్సన్ గా పనిచేస్తున్నారు.ఆయన ప్రస్తుతం ర్యాలీస్ ఇండియా లిమిటెడ్ బోర్డు ఛైర్మన్‌గా, అసోసియేటెడ్ బిల్డింగ్ కంపెనీ లిమిటెడ్, టిసిఇ గ్రూప్ లిమిటెడ్, టాటా కెమికల్స్ నార్త్ అమెరికా ఇంక్ బోర్డులో డైరెక్టర్‌గా పనిచేస్తున్నారు.

పద్మనాభన్ 1975 - 1980 వరకు PSG కాలేజ్ ఆఫ్ టెక్నాలజీ నుండి ఎలక్ట్రానిక్స్, కమ్యూనికేషన్ ఇంజనీరింగ్‌లో బ్యాచిలర్ ఆఫ్ ఇంజనీరింగ్ పూర్తి చేసి ఆనర్స్ గ్రేడ్ పొందారు. 1968 నుండి 1974 వరకు శ్రీ బల్దేవ్‌దాస్ కికాని విద్యామందిర్ హై స్కూల్‌లో పాఠశాల విద్యను అభ్యసించారు. ఆ తరువాత 1982లో బెంగళూరులోని ఇండియన్ ఇన్‌స్టిట్యూట్ ఆఫ్ మేనేజ్‌మెంట్ నుండి బిజినెస్ మేనేజ్‌మెంట్, సిస్టమ్స్, మార్కెటింగ్‌లో పోస్ట్ గ్రాడ్యుయేట్ డిప్లొమా పొందారు. అతను 2011లో హార్వర్డ్ బిజినెస్ స్కూల్ ఎగ్జిక్యూటివ్ ఎడ్యుకేషన్ నుండి అడ్వాన్స్‌డ్ మేనేజ్‌మెంట్ ప్రోగ్రామ్‌ను కూడా చేసాడు.

ఎన్ చంద్రశేఖరన్ రాజీనామా: నా ప్రస్తుత, భవిష్యత్తు నిబద్ధతలను జాగ్రత్తగా పరిశీలించిన తర్వాత, నేను బోర్డు నుండి వైదొలగాలని నిర్ణయించుకున్నాను. టాటా కెమికల్స్ బోర్డుకు అధ్యక్షత వహించడం ఒక గౌరవంగా ఉంది.నా పదవీకాలంలో మద్దతు, సహకారాన్ని నేను హృదయపూర్వకంగా అభినందిస్తున్నాను" అని చంద్రశేఖరన్ మే 28న బోర్డుకు రాసిన లేఖలో రాశారు. తమిళనాడులోని నామక్కల్‌లోని మోహనూర్‌లోని ఒక వ్యవసాయ కుటుంబంలో జన్మించాడు ఎన్ చంద్రశేఖరన్.

ప్రభుత్వ పాఠశాలలో ప్రాథమిక విద్యను పూర్తి చేశాడు. కోయంబత్తూరు ఇన్‌స్టిట్యూట్ ఆఫ్ టెక్నాలజీ నుంచి అప్లైడ్ సైన్సెస్‌లో బ్యాచిలర్ డిగ్రీని సాధించారు. అనంతరం తిరుచిరాపల్లిలోని రీజినల్ ఇంజనీరింగ్ కళాశాలలో మాస్టర్ ఆఫ్ కంప్యూటర్ అప్లికేషన్స్ (MCA) డిగ్రీని పూర్తిచేశారు.1987లో టాటా కన్సల్టెన్సీ సర్వీసెస్ (TCS)లో ఇంటర్న్‌గా ప్రారంభమైన ఆయన జీవితం సెప్టెంబర్ 2007లో చీఫ్ ఆపరేటింగ్ ఆఫీసర్ (COO) స్థాయికి ప్రయాణం సాగింది. అక్టోబర్ 2009లో టీసీఎస్ సీఈఓగా నియమితులయ్యారు. అప్పుడు ఆయన వయస్సు కేవలం 46 సంవత్సరాలు మాత్రమే.

ప్రస్తుత డైరెక్టర్ ఎస్ పద్మనాభన్‌ను మే 30 నుండి కొత్త ఛైర్మన్‌గా నియమించింది. అదనంగా, మోదన్ సాహా మే 28 నుండి అదనపు డైరెక్టర్‌గా నియమితులయ్యారు. నామినేషన్, వేతన కమిటీ సిఫార్సుల ఆధారంగా మే 28 నుండి అమలులోకి వచ్చేలా అదనపు డైరెక్టర్ (నాన్-ఎగ్జిక్యూటివ్, నాన్-ఇండిపెండెంట్)గా సాహా నియమితులయ్యారు. సాహా ప్రస్తుతం టాటా సన్స్‌లో ఎంపిక చేసిన వ్యూహాత్మక కార్యక్రమాలకు నాయకత్వం వహిస్తున్నారు.