ఎలోన్ మస్క్ టీంలో 22 ఏళ్ల టెక్కీ.. జెండ పాతేసిన తెలుగు తేజం.. ఎవరు ఈ ఆకాష్ బొబ్బా..

తాజాగా ఏర్పడిన డిపార్ట్మెంట్ ఆఫ్ గవర్నమెంట్ అఫీషియన్సీ (DOGE)లో భాగంగా ఎలోన్ మస్క్ ఆకాష్ బొబ్బాని నియమించుకున్నట్లు వచ్చిన నివేదికల తర్వాత 22 ఏళ్ల భారత సంతతికి చెందిన టెక్కీ వార్తల్లో నిలిచాడు. ఇంత ఉన్నత స్థాయి ఉద్యోగాన్ని చేయడానికి అవసరమైన అనుభవం లేకపోవడంతో ఆకాష్ బొబ్బాపై విమర్శలు కూడా వచ్చాయి. ముఖ్యంగా, టెస్లా CEO ఎలోన్ మస్క్ 19 నుండి 24 సంవత్సరాల మధ్య వయస్సు ఉన్న ఆరుగురు ఇంజనీర్లను నియమించుకున్నారు, వీరికి ఇప్పుడు ప్రభుత్వ వ్యవస్థలకు పూర్తి యాక్సెస్ ఉంటుంది. ఆకాష్ బొబ్బాకు పెద్దగా అనుభవం లేకపోవచ్చు, కానీ ఎలోన్ మస్క్ DOGEలో చేరడానికి ముందు అతను వివిధ ప్రముఖ సిలికాన్ వ్యాలీ సంస్థలలో పనిచేశాడు.

ఆకాష్ బొబ్బా ఎవరు ? అతని విద్యార్హతలు, ఉద్యోగ వివరాలు
ఆకాష్ బొబ్బా UC బర్కిలీ మేనేజ్‌మెంట్, ఎంటర్‌ప్రెన్యూర్‌షిప్ & టెక్నాలజీ (MET) ప్రోగ్రామ్ నుండి ప్రతిభావంతుడు. అతనికి మెటా ఇంకా పలాంటిర్ వంటి ప్రముఖ టెక్ సంస్థలతో పాటు హెడ్జ్ ఫండ్ బ్రిడ్జ్‌వాటర్ అసోసియేట్స్‌లో కూడా అద్భుతమైన పని అనుభవం ఉంది. వీటి నుండి అతను కృత్రిమ మేధస్సు, డేటా అనలిటిక్స్ అండ్ ఫైనాన్షియల్ మోడలింగ్ పద్ధతులలో అనుభవం పొందాడు.

DOGEలో ఎలోన్ మస్క్ అండ్ అతని యువ బృందం
ఎలోన్ మస్క్ DOGE కోసం ఒక యువ బృందాన్ని నియమించుకున్నారు. DOGE బృందంలో కాలేజీ గ్రాడ్యుయేట్లు, ప్రస్తుత విద్యార్థులు అలాగే మాజీ SpaceX ఇంటర్న్‌లతో సహా వివిధ గ్రూప్స్ ఉన్నాయి. ప్రతి ఒక్కరికి ఇప్పుడు అధికారిక ప్రభుత్వ ఇమెయిల్‌లు ఇంకా ఉన్నత స్థాయి భద్రతా అనుమతులు ఉంటాయి.

నివేదికల ప్రకారం, ఈ నియామకాల్లో కనీసం నలుగురికి ఉన్నత స్థాయి భద్రతా అనుమతి ఉంటుంది. ఫెడరల్ గవర్నెన్స్‌లో నేపథ్యం లేని వ్యక్తులకు జనరల్ సర్వీసెస్ అడ్మినిస్ట్రేషన్ (GSA) అండ్ ఆఫీస్ ఆఫ్ పర్సనల్ మేనేజ్‌మెంట్ (OPM) వంటి ఏజెన్సీలకు యాక్సెస్ ఇవ్వడం వల్ల భద్రతా ప్రమాదాలు ఎదురవుతాయని చాలా మంది హెచ్చరిస్తున్నారు.

UC బర్కిలీలో చారిస్ జాంగ్ అనే విద్యార్థి Xలో ఆకాష్ బాబ్బా కోడింగ్‌ స్కిల్స్ హైలైట్ చేయడంతో ఆన్‌లైన్‌లో మరింతగా వైరల్ అయ్యింది. తన పోస్ట్‌లో "ఆకాష్ గురించి నేను మీకు ఒక విషయం చెబుతాను. బర్కిలీలో ఒక ప్రాజెక్ట్ చేస్తున్నప్పుడు, గడువుకు రెండు రోజుల ముందు నేను అనుకోకుండా మా మొత్తం కోడ్‌బేస్‌ను తొలగించాను. దింతో నేను భయపడ్డాను. కానీ ఆకాష్ స్క్రీన్ వైపు చూస్తూ, ఒక రాత్రిలో మొదటి నుండి ప్రతిదీ తిరిగి రాశాడు అది కూడా ముందుకంటే మెరుగ్గా. ఇంకా మేము టైం కంటే ముందే సబ్మిట్ చేసాము, అంతేకాదు క్లాసులో మొదటి స్థానంలో నిలిచాము. ఇలాంటి జ్ఞాపకాలు చాలా ఉన్నాయి.నీకు తెలిసి ప్రతిదానిలో నేను అతనిని నమ్ముతాను." అంటూ పోస్ట్ చేసారు.