టాప్ టెన్‌లోని 4 కంపెనీల మార్కెట్ క్యాప్ రూ.1.14 లక్షల కోట్లు జంప్

టాప్ 10లోని నాలుగు కంపెనీల మార్కెట్ క్యాపిటలైజేషన్ గతవారం రూ.1,14,744.44 కోట్లు ఎగిసింది. ఇందులో ప్రధానంగా ఐటీ దిగ్గజాలు టాటా కన్సల్టెన్సీ సర్వీసెస్(TCS), ఇన్ఫోసిస్ కంపెనీల మార్కెట్ క్యాప్ భారీగా పెరిగింది. వీటితో పాటు హిందూస్తాన్ యూనీలీవర్ లిమిటెడ్, భారతీ ఎయిర్‌టెల్ సంస్థల మార్కెట్ క్యాప్ పెరిగింది. అదే సమయంలో రిలయన్స్ ఇండస్ట్రీస్, HDFC బ్యాంకు, HDFC, ICICI బ్యాంకు, కొటక్ మహీంద్రా బ్యాంకు, స్టేట్ బ్యాంక్ ఆఫ్ ఇండియా కంపెనీల మార్కెట్ క్యాప్ క్షీణించింది.

వీటి మార్కెట్ క్యాప్ జంప్

నాలుగు కంపెనీల మార్కెట్ క్యాపిటలైజేషన్ గతవారం రూ.1,14,744.44 కోట్లు పెరగగా, ఆరు కంపెనీల మార్కెట్ క్యాప్ మాత్రం రూ.99,183.31 కోట్లు తగ్గింది.

టీసీఎస్ మార్కెట్ క్యాపిటలైజేషన్ రూ.57,816.18 కోట్లు పెరిగి రూ.12,28,898.85 కోట్లుగా నమోదయింది.

ఇన్ఫోసిస్ ఎం-క్యాప్ రూ.23,625.36 కోట్లు ఎగిసి రూ.6,13,854.71 కోట్లు పెరిగింది.

హిందూస్తాన్ యూనీలీవర్ మర్కెట్ క్యాప్ రూ.17,974.19 కోట్లు పెరిగి రూ.5,81,741.24 కోట్లుగా నమోదయింది.

భారతీ ఎయిర్‌టెల్ మార్కెట్ క్యాప్ రూ.15,328.71 కోట్లు పెరిగి రూ.2,99,507.71 కోట్లకు చేరుకుంది.

వీటి మార్కెట్ క్యాప్ డౌన్

HDFC బ్యాంకు మార్కెట్ క్యాపిటలైజేషన్ రూ.35,750.35 కోట్లు ఎగిసి రూ.7,83,723.87 కోట్లకు క్షీణించింది.

రిలయన్స్ ఇండస్ట్రీస్ మార్కెట్ క్యాప్ రూ.24,755.52 కోట్లు తగ్గి రూ.12,56,889.45 కోట్లకు చేరుకుంది.

ICICI బ్యాంకు మార్కెట్ క్యాప్ రూ.18,996.52 కోట్లు క్షీణించి రూ.3,91,778.85 కోట్లుగా నమోదయింది.

స్టేట్ బ్యాంక్ ఆఫ్ ఇండియా మార్కెట్ క్యాప్ రూ.15,618.07 కోట్లు తగ్గి రూ.3,15,083.41 కోట్లకు క్షీణించింది.

HDFC మార్కెట్ క్యాప్ రూ.3,012.59 కోట్లు క్షీణించి రూ.4,53,557.23 కోట్లుగా నమోదయింది.

కొటక్ మహీంద్రా బ్యాంకు ఎం-క్యాప్ రూ.1,050.26 కోట్లు క్షీణించి రూ.3,56,523.48 కోట్లకు చేరుకుంది.

టాప్ 10 వరుసగా

టాప్ 10 కంపెనీల్లో రిలయన్స్ ఇండస్ట్రీస్ లిమిటెడ్ టాప్ మోస్ట్ కంపెనీగా నిలిచింది. ఆ తర్వాత వరుసగా టాటా కన్సల్టెన్సీ సర్వీసెస్, HDFC బ్యాంకు, ఇన్ఫోసిస్, హిందూస్తాన్ యూనీలీవర్, HDFC, ICICI బ్యాంకు, కొటక్ మహీంద్రా బ్యాంకు, స్టేట్ బ్యాంక్ ఆఫ్ ఇండియా, భారతీ ఎయిర్‌టెల్ ఉన్నాయి. బీఎస్ఈ సెన్సెక్స్ గతవారం 438.51 పాయింట్లు లేదా 0.87 శాతం క్షీణించింది.