Closing Bell: ముహురత్ ట్రేడింగ్‌ లాభం రూ.2 లక్షల కోట్లు.. అదరగొట్టిన Sensex, Nifty..

Market Closing: దీపావళి సందర్భంగా కొనసాగిన గంట పాటు ప్రత్యేక ట్రేడింగ్ సమయంలో ఇన్వెస్టర్లు మంచి లాభాలను నమోదు చేశారు. దీంతో ఈ ఏడాది కూడా లాభాలతో సెన్సెక్స్, నిఫ్టీలు ముగిశాయి.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 355 పాయింట్లు లాభపడగా.. మరో కీలక సూచీ నిఫ్టీ 100 పాయింట్లకు పైగా లాభాలను ఆర్జించింది. ఇదే క్రమంలో నిఫ్టీ బ్యాంక్ సూచీ 177 పాయింట్లు, నిఫ్టీ మిడ్ క్యాప్ సూచీ 250 పాయింట్ల లాభంతో ప్రయాణాన్ని కోలాహలంగా ముగించాయి.

పెట్టుబడిదారుల ఉత్సాహంతో దలాల్ స్ట్రీట్ ప్రత్యేక దీపావళి ట్రేడింగ్ తక్కువ వాల్యూమ్ ట్రేడింగ్స్ ఉన్నప్పటికీ మంచి లాభాలను గడించాయి. ఈ గంట పాటు కొనసాగిన ట్రేడింగ్ వల్ల పెట్టుబడిదారుల సంపద బీఎస్ఈలో దాదాపు రూ.2 లక్షల కోట్ల మేర పెరిగింది.

ప్రస్తుతం దేశంలో సార్వత్రిక ఎన్నికల సమరం దగ్గర పడుతున్న వేళ స్టాక్ మార్కెట్లు, ఆర్థిక అభివృద్ధి ఎలా ఉంటుందోనని ఇన్వెస్టర్లు ఆసక్తిగా ఎదురుచూస్తున్నారు. ఈ క్రమంలో సంవత్ 2080 బంపర్ ప్రారంభాన్ని నమోదు చేసింది. పైగా రానున్న ఎన్నికల్లో అటు బీజేపీ, ఇటు కాంగ్రెస్ లేదా మరొకరు కేంద్రంలో అధికారంలోకి వచ్చినప్పటికీ భారత ఆర్థిక వృద్ధి నిరాటంకంగా కొనసాగుతుందని ప్రముఖ స్టాక్ మార్కెట్ ఇన్వెస్టర్లు తన అభిప్రాయాన్ని వ్యక్తం చేశారు. పైగా అనిశ్చిత గ్లోబల్ ఆర్థిక అందకారంలో భారత్ వెలుగుచూపిస్తున్న దీపంలా మారటంతో విదేశీ మదుపరులు ఇండియాలో తమ పెట్టుబడులను కొనసాగిస్తున్నారని నిపుణులు చెబుతున్నారు.