9 కంపెనీల మార్కెట్ క్యాప్ రూ.1.33 లక్షల కోట్లు పతనం

గతవారం టాప్ 10 కంపెనీల్లోని తొమ్మిదింటి మార్కెట్ క్యాపిటలైజేషన్ రూ.1.33 లక్షల కోట్లు క్షీణించింది. సెన్సెక్స్ గతవారం భారీగా పతనమైన విషయం తెలిసిందే. అంతకుముందు వారం 49వేల సమీపానికి చేరుకున్న సెన్సెక్స్ క్రితంవారం 47,900 దిగువన ముగిసింది. గత వారం తొమ్మిది కంపెనీల మార్కెట్ క్యాప్ రూ.1,33,433.64 కోట్లు పడిపోయింది.

హిందూస్తాన్ యూనీలీవర్ లిమిటెడ్ మార్కెట్ క్యాప్ ఎక్కువగా పతనమైంది. ఈ కంపెనీ మార్కెట్ క్యాప్ రూ.34,914.58 కోట్లు క్షీణించి రూ.5,42,292 కోట్లకు పడిపోయింది. టాటా కన్సల్టెన్సీ ఎం-క్యాప్ రూ.30,887.07 పడిపోయి రూ.11,50,331 కోట్లుగా నమోదయింది. రిలయన్స్ మార్కెట్ క్యాప్ రూ.18,764.75 కోట్లు క్షీణించి, రూ.12,07,283.32 కోట్లకు, HDFC మార్కెట్ క్యాప్ రూ.13,755.09 పడిపోయి రూ.4,50,499.54 కోట్లుగా, భారతీ ఎయిర్ టెల్ మార్కెట్ క్యాప్ రూ.10,270.09 క్షీణించి రూ.2,86,601.44 కోట్లుగా నమోదయింది. ఇక ఇన్ఫోసిస్ ఎం-క్యాప్ రూ.7,967.43 కోట్లు తగ్గి రూ.5,68,308.25 కోట్లకు, HDFC బ్యాంకు మార్కెట్ క్యాప్ రూ.7,800.58 తగ్గి రూ.7,79,671.98 కోట్లుగా నమోదయింది.

కొటక్ మహీంద్రా బ్యాంకు మార్కెట్ క్యాప్ రూ.5,995.06 తగ్గి రూ.3,43,907.94 కోట్లు, ఎస్బీఐ మార్కెట్ క్యాప్ రూ.3,078.99 కోట్లు క్షీణించి రూ.3,00,268.56 కోట్లకు తగ్గింది. గతవారం కేవలం ఐసీఐసీఐ బ్యాంకు మార్కెట్ క్యాప్ మాత్రమే రూ.2,412.18 కోట్లు పెరిగి రూ.3,94,315.01 కోట్లుగా నమోదయింది.