IPO News: ఐపీవో లిస్టింగ్ రూల్స్ మార్చేసిన సెబీ.. కొత్త నిబంధనలు ఇవే..

IPO News: కొత్త ఏడాది తొలి త్రైమాసికంలో మార్కెట్లోకి ఐపీవోలు క్యూ కడుతున్నాయి. తాజాగా డ్రోన్ కంపెనీ Ideaforge కొన్ని రోజుల క్రితం తన IPOని ప్రారంభించింది. దీనిపై ఇన్వెస్టర్లలో భారీగా అంచనాలు కూడా ఉన్నాయి.

అయితే త్వరలోనే మార్కెట్లోకి టాటాలకు చెందిన టాటా టెక్నాలజీస్ ఐపీవో రాబోతోంది. ఇందుకోసం ఇటీవల కంపెనీ మార్కెట్ రెగ్యులేటర్ సెబీ నుంచి అవసరమైన అనుమతులను కూడా పొందింది. ఈ క్రమంలో భారతీయ స్టాక్ మార్కెట్ నియంత్రణ సంస్థ సెబీ.. ముంబై స్టాక్ ఎక్స్ఛేంజ్‌లో ఐపీవోలను జారీ చేసే కంపెనీల లిస్టింగ్ ప్రక్రియను వేగవంతం చేయాలని నిర్ణయించింది.

ప్రస్తుతం కొనసాగుతున్న 6 రోజుల లిస్టింగ్ ప్రక్రియను మూడు రోజులకు తగ్గించేందుకు ఆమోదం తెలిపింది. సెబీ ప్రకటించిన T+3 రోజుల ప్రక్రియను రెండు దశల్లో అమలు చేయబడనుంది. కొత్త IPO లిస్టింగ్ ప్రక్రియ సెప్టెంబర్ 01, 2023న లేదా ఆ తర్వాత రానున్న అన్ని ఐపీవోల కోసం కంపెనీలు 3 రోజుల నుంచి 6 రోజుల మధ్య ఎంచుకోవడానికి అవకాశం ఉంటుంది. మే నెలలోనే సెబీ అధ్యయన నివేదిక పేరుతో IPO లిస్టింగ్ వ్యవధిని T+6 రోజుల నుంచి T+3కి తగ్గించాలని నిర్ణయించింది. ఈ మార్పు కంపెనీలతో పాటు ఇన్వెస్టర్లకు కూడా మేలు చేస్తుందని సెబీ అభిప్రాయపడుతోంది.

గత కొన్ని సంవత్సరాలుగా సెబీ దేశంలోని ఐపీవో ఫ్రేమ్‌వర్క్‌, కంపెనీలు ఐపీవో కోసం అప్లై కోసం ఫైలింగ్, డ్రాఫ్ట్ రెడ్ హెరింగ్ ప్రాస్పెక్టస్ ప్రక్రియను క్రమబద్ధీకరించడానికి చర్యలు తీసుకుంటోంది.