లాభాల్లో స్టాక్ మార్కెట్లు, సూచీ రికవరీ ప్రారంభం!

ముంబై: స్టాక్ మార్కెట్లు సోమవారం లాభాల్లో ప్రారంభమయ్యాయి. ఉదయం గం.09:16 సమయానికి సెన్సెక్స్ 179.35 పాయింట్లు (0.57%) లాభపడి 31,768.07 వద్ద, నిఫ్టీ 47.50 పాయింట్లు (0.51%) లాభపడి 9,314.25 వద్ద ప్రారంభమైంది. 764 షేర్లు లాభాల్లో, 173 షేర్లు నష్టాల్లో ఉండగా, 54 షేర్లలో ఎలాంటి మార్పు లేదు. హెచ్‌డీఎఫ్‌సీ బ్యాంకు షేర్ 5 శాతం పెరిగింది. నిఫ్టీ బ్యాంకు, నిఫ్టీ ఐటీ మినహా అన్ని రంగాల షేర్లు నష్టాల్లోనే ట్రేడింగ్ ప్రారంభించాయి.

టాప్ గెయినర్స్, టాప్ లూజర్స్

టాప్ గెయినర్స్ జాబితాలో టాటా మోటార్స్, జీ ఎంటర్టైన్మెంట్, HDFC బ్యాంకు, ఇన్ఫోసిస్, ఐవోసీ ఉన్నాయి. టాప్ లూజర్స్ జాబితాలో భారతీ ఇన్ఫ్రాటెల్, ఐచర్ మోటార్స్, భారతీ ఎయిర్ టెల్, యాక్సిస్ బ్యాంకు, హిండాల్కో ఉన్నాయి.

మార్కెట్ రికవరీ

గత రెండు మూడు నెలలుగా నష్టాల్లో ఉన్న స్టాక్ మార్కెట్లు ఏప్రిల్ నెలలో రెండు వారాలుగా లాభాలను చూస్తున్నాయి. కరోనా మహమ్మారి నుండి మార్కెట్లు రికవరీ అవుతున్నట్లుగా కనిపిస్తున్నాయి. మే 3వ తేదీ నాటికి లాక్ డౌన్ ముగుస్తుండటంతో అప్పటి వరకు మార్కెట్లు ఎలా ఉంటాయనేది ప్రశ్నగా ఉంది.

డైలమాలో మార్కెట్లు

జనవరి మిడిల్ నుండి భారీగా నష్టపోయాయి మార్కెట్లు. ఇటీవలి వరకు 38 శాతం వరకు నష్టాలను మిగుల్చుకున్నాయి సెన్సెక్స్, నిఫ్టీలు. గత నెలలో 20 శాతం నష్టపోయిన సూచీలు ఈ నెలలో 7 శాతం లాభపడ్డాయి. మొత్తానికి స్టాక్ మార్కెట్లు గత కొద్ది నెలలుగా డైలమాలో ఉన్నాయి.