టాప్ 10లోని ఐదు కంపెనీల మార్కెట్ క్యాప్ రూ.1 లక్ష కోట్లు జంప్

వ్యాల్యూపరంగా టాప్ 10లోని ఐదు సంస్థల మార్కెట్ క్యాపిటలైజేషన్ గతవారం రూ.1 లక్ష కోట్లకు పైగా పెరిగింది. ఐటీ దిగ్గజాలు టాటా కన్సల్టెన్సీ సర్వీసెస్, ఇన్ఫోసిస్ వంటి సంస్థల మార్కెట్ క్యాప్ పెరిగింది. ఐదు సంస్థల మార్కెట్ క్యాప్ క్షీణించగా, మిగతా సంస్థల మార్కెట్ క్యాప్ రూ.1,01,389.44 కోట్లు ఎగిసింది. అంతకుముందు వారం టాప్ 10 కంపెనీల్లోని ఏడు కంపెనీల మార్కెట్ క్యాపిటలైజేషన్ రూ.1,15 లక్షల కోట్లు పెరిగింది. ఇందులో రిలయన్స్ ఇండస్ట్రీస్ టాప్ గెయినర్‌గా నిలిచింది. గతవారం టెక్ సంస్థలు భారీగా లాభపడ్డాయి.

టాప్ టెన్ వరుసగా

రిలయన్స్ ఇండస్ట్రీస్, టాటా కన్సల్టెన్సీ సర్వీసెస్, ఇన్ఫోసిస్, హిందూస్తాన్ యూనీలీవర్ లిమిటెడ్, బజాజ్ ఫైనాన్స్ టాప్ గెయినర్స్‌గా నిలిచాయి. HDFC బ్యాంకు, HDFC, ICICI బ్యాంకు, స్టేట్ బ్యాంక్ ఆఫ్ ఇండియా, కొటక్ మహీంద్రా బ్యాంకుల మార్కెట్ క్యాప్ క్షీణించింది.

టాప్ టెన్ కంపెనీలు వరుసగా రిలయన్స్ ఇండస్ట్రీస్, TCS, HDFC బ్యాంకు, ఇన్ఫోసిస్, హిందూస్తాన్ యూనీలీవర్ లిమిటెడ్, HDFC, ICICI బ్యాంకు, స్టేట్ బ్యాంక్ ఆఫ్ ఇండియా, బజాజ్ ఫైనాన్స్ లిమిటెడ్, కొటక్ మహీంద్రా బ్యాంకు ఉన్నాయి.

ఈ కంపెనీల మార్కెట్ క్యాప్ జంప్

TCS మార్కెట్ క్యాపిటలైజేషన్ గతవారం రూ.47,551.31 కోట్లు ఎగిసి రూ.12,10,218.64 కోట్లకు పెరిగింది.

ఇన్ఫోసిస్ మార్కెట్ క్యాపిటలైజేషన్ గతవారం రూ.26,227.28 కోట్లు పెరిగి రూ.6,16,479.55 కోట్లకు పెరిగింది.

రిలయన్స్ ఇండస్ట్రీస్ మార్కెట్ క్యాపిటలైజేషన్ గతవారం రూ.14,200.35 కోట్లు పెరిగి రూ.14,02,918.76 కోట్లకు పెరిగింది.

బజాజ్ ఫైనాన్స్ మార్కెట్ క్యాపిటలైజేషన్ గత వారం రూ.7,560.02 కోట్లు పెరిగి రూ.3,69,327.31 కోట్లకు పెరిగింది.

ఈ కంపెనీల మార్కెట్ క్యాప్ డౌన్

హిందూస్తాన్ యూనీలీవర్ మార్కెట్ క్యాప్ గత వారం రూ.5,850.48 కోట్లు తగ్గి రూ.5,56,041.95 కోట్లకు తగ్గింది.

HDFC మార్కెట్ క్యాపిటలైజేషన్ గత వారం రూ.10,968.39 కోట్లు తగ్గి రూ.4,61,972.21 కోట్లకు క్షీణించింది.

HDFC బ్యాంకు మార్కెట్ క్యాపిటలైజేషన్ గతవారం రూ.8,249.47 కోట్లు తగ్గి రూ.8,20,091.77 కోట్లకు తగ్గింది.

ICICI మార్కెట్ క్యాపిటలైజేషన్ గత వారం రూ.4,927.52 కోట్లు తగ్గి రూ.4,40,035.66 కోట్లకు క్షీణించింది.

కొటక్ మహీంద్రా బ్యాంకు మార్కెట్ క్యాపిటలైజేషన్ గతవారం రూ.2,924.02 కోట్లు తగ్గి రూ.3,55,927.86 కోట్లకు తగ్గింది.