8 కంపెనీల మార్కెట్ క్యాప్ రూ.2.48 లక్షల కోట్లు డౌన్
టాప్ 10లోని ఎనిమిది కంపెనీల మార్కెట్ క్యాపిటలైజేషన్ గతవారం రూ.2,48,372.97 కోట్లు తగ్గింది. గతవారం బలహీనమైన మార్కెట్ ట్రెండ్ కారణంగా సూచీలు భారీ నష్టాల్లో ముగిశాయి. హెవీ వెయిట్స్ రిలయన్స్ ఇండస్ట్రీస్, టాటా కన్సల్టెన్సీ సర్వీసెస్, HDFC బ్యాంకు వంటి దిగ్గజాలు భారీగా నష్టపోయాయి. గతవారం సెన్సెక్స్ 2041 పాయింట్లు లేదా 3.72 శాతం నష్టపోయింది. రిలయన్స్ ఇండస్ట్రీస్, టాటా కన్సల్టెన్సీ సర్వీసెస్, HDFC బ్యాంకు, ఇన్ఫోసిస్, ఐసీఐసీఐ బ్యాంకు, ఎస్బీఐ, HDFC, భారతీ ఎయిర్టెల్ నష్టపోగా, హిందూస్తాన్ యూనీలీవర్, కొటక్ మహీంద్రా మాత్రమే లాభపడ్డాయి.
మార్కెట్ క్యాప్ డౌన్
రిలయన్స్ ఇండస్ట్రీస్ మార్కెట్ వ్యాల్యూయేషన్ రూ.1,30,627.7 కోట్లు క్షీణించి రూ.16,42,568.98 కోట్లకు తగ్గింది.
స్టేట్ బ్యాంక్ ఆఫ్ ఇండియా (SBI) మార్కెట్ క్యాప్ రూ.35,073.72 కోట్లు తగ్గి రూ.3,97,189.84 కోట్లకు పడిపోయింది.
ఐసీఐసీఐ మార్కెట్ క్యాప్ రూ.29,279.72 కోట్లు క్షీణించి రూ.4,70,856.80 కోట్లుగా నమోదయింది.
ఇన్ఫోసిస్ మార్కెట్ క్యాపిటలైజేషన్ రూ.16,869.36 కోట్లు తగ్గి రూ.6,32,432.92 కోట్లుగా నమోదయింది.
టాటా కన్సల్టెన్సీ మార్కెట్ క్యాప్ రూ.7,153.45 కోట్లు క్షీణించి రూ.12,48,998.89 కోట్లుగా నమోదయింది.
HDFC మార్కెట్ క్యాప్ రూ.3,408.48 కోట్లు తగ్గి రూ.3,86,636.58 కోట్లకు పడిపోయింది.
వీటి మార్కెట్ క్యాప్ జంప్
అదే సమయంలో హిందూస్తాన్ యూనీలీవర్ మార్కెట్ క్యాపిటలైజేషన్ రూ.10,514.42 కోట్లు క్షీణించి రూ.5,15,582.56 కోట్లకు పెరిగింది.
కొటక్ మహీంద్రా బ్యాంకు మార్కెట్ క్యాప్ రూ.1,231.33 కోట్లు ఎగిసి రూ.3,53,200.33 కోట్లకు చేరుకుంది.
టాప్ టెన్
టాప్ టెన్ కంపెనీల విషయానికి వస్తే వరుసగా రిలయన్స్ ఇండస్ట్రీస్, టాటా కన్సల్టెన్సీ సర్వీసెస్, HDFC బ్యాంకు, ఇన్ఫోసిస్, హిందూస్తాన్ యూనీలీవర్, ఐసీఐసీఐ బ్యాంకు, ఎస్బీఐ, HDFC, భారతీ ఎయిర్టెల్, కొటక్ మహీంద్రా బ్యాంకు ఉన్నాయి.