టాప్ 10లోని ఏడు కంపెనీల మార్కెట్ క్యాపిటలైజేషన్ రూ.1.16 లక్షల కోట్లు జంప్

గతవారం టాప్ 10లోని ఏడు కంపెనీల మార్కెట్ క్యాపిటలైజేషన్ రూ.1.16 లక్షల కోట్లు పెరిగింది. గతవారం భారీగా లాభపడిన వాటిలో HDFC బ్యాంకు ఉంది. లాభపడిన ఇతర కంపెనీలలో ఇన్ఫోసిస్, హిందూస్తాన్ యూనీలీవర్ లిమిటెడ్, ఐసీఐసీఐ బ్యాంకు, HDFC, ఎస్బీఐ, కొటక్ మహీంద్రా బ్యాంకు ఉన్నాయి. నష్టపోయిన మూడు కంపెనీల్లో రిలయన్స్ ఇండస్ట్రీస్, టీసీఎస్, ఎల్ఐసీ ఉన్నాయి.

HDFC మార్కెట్ క్యాపిటలైజేషన్ గతవారం రూ.39,358.5 కోట్లు పెరిగి రూ.7,72,514.65 కోట్లకు, కొటక్ మహీంద్రా బ్యాంకు మార్కెట్ క్యాప్ రూ.23,230.8 కోట్లు ఎగిసి రూ.3,86,264.80 కోట్లకు, HDFC మార్కెట్ క్యాప్ రూ.23,141.7 కోట్లు పెరిగి రూ.4,22,654.38 కోట్లకు పెరిగింది. ఐసీఐసీఐ బ్యాంకు మార్కెట్ క్యాప్ రూ.21,047.06 కోట్లు పెరిగి రూ.5,14,298.92 కోట్లకు, ఎస్బీఐ మార్కెట్ క్యాప్ రూ.5,801 కోట్లు ఎగిసి రూ.4,18,564.28 కోట్లకు, ఇన్ఫోసిస్ మార్కెట్ క్యాప్ రూ.2,341.24 కోట్లు పెరిగి రూ.6,14,644.50 కోట్లకు, HUL రూ.1,127.8 కోట్లు ఎగిసి రూ.5,47,525.25 కోట్లకు చేరుకుంది.

రిలయన్స్ ఇండస్ట్రీస్ మార్కెట్ క్యాపిటలైజేషన్ గతవారం రూ.31,761.77 కోట్లు తగ్గి రూ.17,42,128.01 కోట్లకు, టీసీఎస్ మార్కెట్ క్యాప్ రూ.11,599.19 కోట్లు క్షీణించి రూ.11,93,655.74 కోట్లకు, ఎల్ఐసీ మార్కెట్ క్యాప్ రూ.2,972.75 కోట్లు తగ్గి రూ.5,19,630.19 కోట్లకు క్షీణించింది. టాప్ టెన్ కంపెనీల్లో వరుసగా రిలయన్స్, టీసీఎస్, HDFC బ్యాంకు, ఇన్ఫోసిస్, HUL, ఎల్ఐసీ, ఐసీఐసీఐ బ్యాంకు, HDFC, ఎస్బీఐ, కొటక్ మహీంద్రా బ్యాంకు ఉన్నాయి.