ఉద్యోగులకు మార్క్ జుకర్‌బర్గ్ ఫైరింగ్ మెసేజ్: ఏం చెప్పారంటే

ఫేస్‌బుక్ అధినేత మార్క్ జుకర్‌బర్గ్ ఉద్యోగులకు ఫైరింగ్ సందేశం పంపించారు. ఇక్కడ పని చేయడం కుదరని మీలో కొందరు మీ అంతట మీరే నిర్ణయించుకోవచ్చునని అన్నారు. ఈ మేరకు ఆయన మెటా ఉద్యోగులకు సందేశం పంపించారు. ఆర్థిక మందగమనం నేపథ్యంలో సంక్లిష్ట పరిస్థితులను ఎదుర్కొనేందుకు సంసిద్ధమవ్వాలని జుకర్ బర్గ్ హెచ్చరించారు.

ఇంజినీర్ల హైరింగ్ ప్రణాళికల్లో 30 శాతం కోత విధించనున్నట్లు తెలిపారు. ఉద్యోగంలో టార్గెట్ చేరుకోలేని వారిపై వేటు తప్పదని చెప్పారు. సాధారణంగా ప్రతి వారం ఉద్యోగులతో నిర్వహించే ప్రశ్నలు, సమాధానాల సెషన్‌లో ఆయన ఈ వ్యాఖ్యలు చేశారు. ఇక్కడ పని చేయడం కుదరదని మీలో కొందరు మీ అంతట మీరే నిర్ణయించుకోవచ్చునని చెప్పారు. ఎప్పుడూ లేని విధంగా ఇటీవల మెటా తీవ్ర ఆర్థిక మందగమనాన్ని ఎదుర్కొంటుందన్నారు.

2022లో ఇంజినీర్ల నియామక లక్ష్యాన్ని మెటా 6000 నుండి 7000 వరకు కుదించిందన్నారు. అంతకుముందు ఈ ఏడాది 10,000 మంది కొత్త ఇంజినీర్లను హైర్ చేయాలని మెటా భావించింది. ఇక ఆర్థిక మందగమనం నేపథ్యంలో తక్కువ మంది ఇంజినీర్లనే రిక్రూట్ చేసుకుంటామని, పరిమిత బడ్జెట్‌లతో తక్కువృద్ధి రేట్లతో మెటా ముందుకెళ్తుందని చీఫ్ ప్రోడక్ట్ ఆఫీసర్ అన్నారు.