Gold Price: తులం బంగారం రూ.2 లక్షలకు చేరే అవకాశం.. ఇప్పుడే కొనుగోలు చేయాలా..!

భారీగా పెరిగిన బంగారం ధరలు ఇప్పుడు తగ్గుముఖం పట్టాయి. 2026 జనవరి 29న మల్టీ-కమోడిటీ ఎక్స్ఛేంజ్ (MCX)లో 10 గ్రాముల బంగారం ధర రూ.1,80,779 వద్ద గరిష్ట స్థాయిని తాకిన తర్వాత, ఏడాది పొడవునా ఈ విలువైన లోహం అమ్మకాల ఒత్తిడిని ఎదుర్కొంటోంది. ప్రస్తుతం భారతదేశంలో 10 గ్రాముల బంగారం ధర దాదాపు రూ.1,42,500గా ఉంది. అదే సమయంలో COMEXలో ఔన్సు బంగారం ధర సుమారు $4,015 వద్ద ట్రేడవుతోంది. COMEXలో నమోదైన గరిష్ట ధర $5,626.80తో పోలిస్తే, ప్రస్తుత ధర సుమారు 28.50% తక్కువగా ఉంది. అలాగే, MCXలో ప్రస్తుత ధర రికార్డు స్థాయి కంటే సుమారు 21% తక్కువగా ఉంది.

AI రంగంలో సంభవించిన అనిశ్చితి, అమెరికా బాండ్ ఈల్డ్స్‌లో మార్పులు, అమెరికన్ డాలర్ (USD) విలువలో సర్దుబాట్ల కారణంగా, బంగారం, వెండి ధరలు గణనీయంగా పెరగవచ్చని మార్కెట్ అంచనా వేస్తోంది. ఈ నేపథ్యంలో ఇప్పుడు బంగారం కొనాలా లేక మరికొంత కాలం వేచి చూడాలా అనే సందిగ్ధంలో పెట్టుబడిదారులు ఉన్నారు. మార్కెట్ నిపుణుల అభిప్రాయం ప్రకారం అమెరికా 10 ఏళ్ల బాండ్ ఈల్డ్స్ ఈ నెలలో 5% కంటే తక్కువకు పడిపోవడంతో వాటిలో సర్దుబాటు సంకేతాలు స్పష్టంగా కనిపిస్తున్నాయి. 2026 అమెరికా మధ్యంతర ఎన్నికల ఫలితాలకు ముందు, తర్వాత, భౌగోళిక రాజకీయ అనిశ్చితులు కీలక పాత్ర పోషించే అవకాశం ఉందని వారు పేర్కొన్నారు.

కాబట్టి దీర్ఘకాలికంగా బంగారంపై సానుకూల దృక్పథం కనిపిస్తుందని వివరిస్తున్నారు. 2026 జూన్‌లో విడుదలైన జెపి మోర్గాన్ నివేదిక ప్రకారం, 2026 చివరి నాటికి ఔన్సు బంగారం ధర $6,000కి, 2027 చివరి నాటికి $6,300కి చేరుకోవచ్చని అంచనా వేశారు. అయితే ఆ నివేదికలో పేర్కొన్న కీలక అంశాల దృష్ట్యా, 2026 నాటికి ఈ లక్ష్యాన్ని చేరుకోవడం కొంత కష్టంగా కనిపిస్తోందని నిపుణులు చెబుతున్నారు. ప్రస్తుతం అందరి దృష్టి 2027 నాటి ధరల లక్ష్యంపైనే ఉంది. జెపి మోర్గాన్ నివేదిక అంచనాలు నిజమైతే, రూపాయి-డాలర్ మారకపు విలువను పరిగణనలోకి తీసుకుంటే 2027 చివరి నాటికి భారతదేశంలో బంగారం ధర రూ.2.13 లక్షలకు చేరుకునే అవకాశం ఉంది.

అమెరికాలో ద్రవ్యోల్బణాన్ని అదుపులో ఉంచి, దానిని 2% స్థాయికి తీసుకురావడమే తన ప్రాధాన్యత అని యూఎస్ ఫెడ్ చీఫ్ కెవిన్ వార్ష్ స్పష్టం చేశారు. భౌగోళిక రాజకీయ ఉద్రిక్తతలు తీవ్రమైతే, ప్రపంచ ఆర్థిక వ్యవస్థ అధిక వడ్డీ రేట్ల విధానం వైపు వెళ్లవలసి రావచ్చు, కేంద్ర బ్యాంకులు ద్రవ్య లభ్యతను తగ్గించే చర్యలను చేపట్టవలసి ఉంటుంది. అయితే యూఎస్ అధ్యక్షుడి ఇటీవలి చర్యలు, ముఖ్యంగా రష్యాతో ఆయన కుదుర్చుకున్న చమురు ఒప్పందం, మధ్యప్రాచ్య ఉద్రిక్తతను తగ్గించాయి. ఎందుకంటే, యూఎస్ రష్యా పట్ల మెతక వైఖరి అవలంబిస్తోందని, రష్యా-ఉక్రెయిన్ యుద్ధం ముగిసిందని మార్కెట్ భావిస్తోందని నిపుణులు చెబుతున్నారు.

2027 ఆర్థిక సంవత్సరంలోగా రష్యా-ఉక్రెయిన్ యుద్ధం ముగిస్త, ప్రపంచ ద్రవ్యోల్బణం తగ్గడం వల్ల కేంద్ర బ్యాంకులు తక్కువ వడ్డీ రేట్ల విధానం వైపు మొగ్గు చూపుతాయి కాబట్టి ఇది ఈక్విటీలు, బంగారం ధరల పెరుగుదలకు దారితీస్తుందని అంచనా వేస్తున్నారు. దీనివల్ల 2027 జూన్ చివరి నాటికి బంగారం ధరలు రూ.1,70,000 నుంచి రూ.1,72,000 వరకు పెరగవచ్చని భావిస్తున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.