Animal Insurance: మీ కుక్కకు ఇన్సూరెన్స్ చేయించారా..!

ఇన్సూరెన్స్ అంటే మనుషులకే కాదు.. జంతువులకు కూడా ఉంటుంది. చాలా బీమా కంపెనీలు పెంపుడు జంతువులకు బీమాను అందిస్తున్నాయి. కొన్ని షరతులతో బీమా కల్పిస్తున్నాయి. గత కొన్ని సంవత్సరాలుగా, పట్టణ ప్రాంతాల్లో పెంపుడు జంతువులను పెంచుకునే వారి సంఖ్య భారీగా పెరిగినట్లు ఓ నివేదిక పేర్కొంది.

ఈ నివేదక ప్రకారం 2025 నాటికి పెంపుడు జంతువుల మార్కెట్ 10 వేల కోట్ల స్థాయికి చేరుకుంటుందని నివేదిక అంచనా వేసింది.
జంతువుల కోసం అనే బీమా పథకాలు ఉన్నాయి. ఇందులో ప్రమాదం నుంచి అనారోగ్యం, మరణం తదితరాల వరకు ఆర్థిక సహాయం అందజేస్తారు.

పెట్ యానిమల్ ఇన్సూరెన్స్ అనేది ఒక ప్రత్యేక బీమా. ఈ రకమైన బీమా పథకాన్ని 2 నెలల నుండి 10 సంవత్సరాల వరకు తీసుకోవచ్చు. యానిమల్ బీమా తీసుకుని నిర్ణీత ప్రీమియం మొత్తాన్ని చెల్లించడం ద్వారా జంతువులు ప్రమాదం బారిన పడినా,
జంతువులను ఎత్తుకెళ్లినా, అవి అనారోగ్యం పాలైనా డబ్బులు పొందవచ్చు.

గర్భం లేదా ప్రసవం, వస్త్రధారణ మరియు కాస్మెటిక్ సర్జరీ మాత్రం ఈ ఇన్సూరెన్స్ కవర్ కావు. న్యూ ఇండియా అస్యూరెన్స్, బజాజ్ అలయన్జ్ జనరల్ ఇన్సూరెన్స్, గో డిజిట్ జనరల్ ఇన్సూరెన్స్ వంటి కంపెనీలు ఇటువంటి పెట్ ఇన్సూరెన్స్ లను అందిస్తున్నాయి.

మన దేశంలో ఎక్కువగా కుక్కలను పెంచుకుంటారు. వీటి బ్రీడ్ ప్రకారం ధర ఉంటుంది. అందుకే కొన్ని సందర్భాల్లో కుక్కలను ఎత్తుకెళ్లిన ఘటనలు కూడా జరిగాయి. అందుకే జంతువులకు కూడా బీమా కల్పిస్తున్నారు.