Manufacturing Mutual Funds: అధిక రాబడి అందించిన మాన్యుఫ్యాక్చరింగ్ ఫండ్లు ఇవే..!

థీమాటిక్ మ్యూచువల్ ఫండ్లలో పెట్టుబడి పెడితే రిస్క్ ఎక్కువగా ఉంటుంది. అలాగే రాబడి కూడా అదే స్థాయిలో ఉండే అవకాశం ఉంది. థీమాటిక్ మ్యూచువల్ ఫండ్‌లు ఒక నిర్దిష్ట థీమ్‌కు సంబంధించిన కంపెనీలలో పెట్టుబడి పెడతాయి. సెబీ నిబంధనల ప్రకారం ఒక థీమాటిక్ ఫండ్ తన మొత్తం ఆస్తులలో కనీసం 80 శాతం ఆ థీమ్‌కు చెందిన స్టాక్‌లలో పెట్టుబడి పెట్టాలి. తయారీ రంగం (మాన్యుఫ్యాక్చరింగ్) అటువంటి ఒక థీమ్. గత 1 సంవత్సరంలో నిఫ్టీ ఇండియా మాన్యుఫ్యాక్చరింగ్ టీఆర్ఐ 6.97% రాబడిని అందించింది. యాక్టివ్‌గా నిర్వహించబడే మాన్యుఫ్యాక్చరింగ్ ఫండ్లు అదే థీమ్‌ను ట్రాక్ చేసే ఇండెక్స్‌ను అధిగమించాయా లేదా చూసుకోవాలి.

ఒక సంవత్సర కాలంలో బెంచ్‌మార్క్‌కు కంటే ఐదు ఫండ్ అధిక రాబడి అందించింది. ఏబీఎస్ఎల్ మాన్యుఫ్యాక్చరింగ్ ఈక్విటీ ఫండ్ అత్యధికంగా 23.61% రాబడిని అందించగా, దాని తర్వాత కోటక్ మాన్యుఫ్యాక్చర్ ఇన్ ఇండియా ఫండ్ 18% రాబడితో నిలిచింది. ఎల్ఐసి ఎంఎఫ్ మాన్యుఫ్యాక్చరింగ్ ఫండ్ 16.31% రాబడిని అందించగా, ఇన్వెస్కో ఇండియా మాన్యుఫ్యాక్చరింగ్ ఫండ్ 15.6 శాతం, యాక్సిస్ ఇండియా మాన్యుఫ్యాక్చరింగ్ ఫండ్‌ 15.47% రాబడిని ఇచ్చాయి. నిఫ్టీ ఇండియా మ్యానుఫ్యాక్చరింగ్ టీఆర్ఐ 6.97% రాబడిని ఇచ్చింది. ఐదు థీమాటిక్ ఫండ్‌లు కూడా బెంచ్‌మార్క్‌ను అధిగమించాయి. విస్తృత మార్కెట్ థీమ్ కంటే మెరుగైన రాబడులను అందించడంలో చురుకైన స్టాక్ ఎంపికగా నిలిచాయి.

ఫండ్ల రాబడే కాకుండా.. వాటి స్థిరతను కూడా తెలుసుకోవాలి. ఈ అస్థిరతను కొలవడానికి సాధారణంగా ఉపయోగించే కొలమానం స్టాండర్డ్ డీవియేషన్. అధిక స్టాండర్డ్ డీవియేషన్, ఆ కాలంలో రాబడులు ఎక్కువగా హెచ్చుతగ్గులకు లోనయ్యాయని సూచిస్తుంది. అదే తక్కువ విలువ సాపేక్షంగా తక్కువ అస్థిరతను సూచిస్తుంది. ఉదాహరణకు ఫండ్ A, ఫండ్ B రెండూ 14% వార్షిక రాబడులను అందించినప్పటికీ, ఫండ్ A స్టాండర్డ్ డీవియేషన్ 12%, ఫండ్ B 6% కలిగి ఉంటే, ఆ కాలంలో ఫండ్ B రాబడులు తక్కువ అస్థిరతను కలిగి ఉన్నాయని అర్థం. సాధారణంగా, అధిక స్టాండర్డ్ డీవియేషన్ అధిక అస్థిరతను సూచిస్తుంది.

అంటే పెట్టుబడిదారులు రాబడులలో విస్తృత హెచ్చుతగ్గులను ఎదుర్కొన్నారని, అధిక నష్టభయాన్ని ఎదుర్కొంటున్నారని అర్థం. మ్యానుఫ్యాక్చరింగ్ ఫండ్ కేటగిరీ సగటు స్టాండర్డ్ డీవియేషన్ 18.15% కాగా, నిఫ్టీ ఇండియా మ్యానుఫ్యాక్చరింగ్ ఇండెక్స్ స్టాండర్డ్ డీవియేషన్ సుమారు 15%గా ఉంది. ఐదు ఫండ్లలో కేవలం రెండింటికి మాత్రమే స్టాండర్డ్ డీవియేషన్ డేటా అందుబాటులో ఉంది. ఏబీఎస్ఎల్ మ్యానుఫ్యాక్చరింగ్ ఈక్విటీ ఫండ్ స్టాండర్డ్ డీవియేషన్ 17.82% కాగా, కోటక్ మ్యానుఫ్యాక్చర్ ఇన్ ఇండియా ఫండ్ 17.05%గా ఉంది. ఈ ఫండ్లు అధిక రాబడులను అందించగా, వాటి అస్థిరత కేటగిరీ సగటు కంటే తక్కువగా ఉంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.