Edible Oil Price: సామాన్యులకు శుభావార్త.. మరింత తగ్గనున్న వంట నూనె ధరలు..

గత మార్చి, ఏప్రిల్ లో ఆకాశాన్ని అంటిన వంట నూనె ధరలు దిగి వస్తున్నాయి. ఇప్పటికే రెండు మూడు సార్లు తగ్గిన ఆయిల్ రేట్లు మరోసారి తగ్గే అవకాశం కనిపిస్తుంది. ఎడిబుల్ ఆయిల్ లీటరుకు రూ.10-12 మేర తగ్గించేందుకు తయారీదార్లు సిద్ధమైనట్లు తెలుస్తోంది. అంతర్జాతీయంగా నూనె ధరలు తగ్గుతున్నందున ఆ ప్రయోజనాలను వినియోగదార్లకు అందించాలని కంపెనీలు భావిస్తున్నాయి.

30 రూపాయల వరకు

వంట నూనె తయారీదారులు లీటరుకు రూ.10-12 మేర తగ్గించడానికి అంగీకరించినట్లు ఆహార, వినియోగదారు వ్యహారాల మంత్రిత్వ శాఖతో జరిగిన సమావేశం అనంతరం కంపెనీలు తెలిపినట్లు పత్రిక పేర్కొంది. గత రెండు నెలలుగా అదానీ విల్మార్‌తో సహా ఎడిబుల్ ఆయిల్ కంపెనీలు గ్లోబల్ ధరల పతనం మధ్య లీటరుకు 30 రూపాయల వరకు ధరలను తగ్గించాయి.

సోయాబీన్ నూనె

ఫార్చ్యూన్ బ్రాండ్‌తో తన ఉత్పత్తులను విక్రయించే అదానీ విల్మర్ సోయాబీన్ నూనెలో ధరలను ఎక్కువగా తగ్గించింది. అంతర్జాతీయ ఎడిబుల్ ఆయిల్ రేట్ల తగ్గుదల ప్రయోజనాలను వినియోగదారులకు అందించడానికి ఎడిబుల్ ఆయిల్‌లపై ధరలను తగ్గించాలని ప్రభుత్వం వారిని కోరడంతో కంపెనీలు రేట్లు తగ్గించాలని నిర్ణయం తీసుకున్నాయి.

లీటరుకు 10-15 రూపాయల వరకు

జూన్‌లో, ఎడిబుల్ ఆయిల్ తయారీదారులు లీటరుకు 10-15 రూపాయల వరకు ధరలను తగ్గించారు. అంతకు ముందు, ప్రపంచ మార్కెట్ నుండి సూచనలను తీసుకునే MRPని కూడా తగ్గించారు. గ్లోబల్ ధరలలో మరింత తగ్గుదలని గమనించి, ఆహార కార్యదర్శి సుధాన్షు పాండే అన్ని ఎడిబుల్ ఆయిల్ అసోసియేషన్లు, ప్రధాన తయారీదారుల సమావేశాన్ని ఏర్పాటు చేసి ధరలు తగ్గించాలని కోరారు.

పామాయిల్

ప్రపంచంలోనే అతిపెద్ద పామాయిల్ దిగుమతిదారుగా ఉన్న భారతదేశం, మలేషియా ఇండోనేషియాపై ఆధారపడి ఉంది. దేశం ప్రతి సంవత్సరం 13.5 మిలియన్ టన్నులకు పైగా ఎడిబుల్ ఆయిల్‌ను దిగుమతి చేసుకుంటుంది. అందులో 8-8.5 మిలియన్ టన్నులు (సుమారు 63 శాతం) పామాయిల్ ఉంది.