మన్మోహన్ సింగ్ ఫ్యామిలీ బ్యాక్ గ్రౌండ్ ఇదే: భార్య, 3 కుమార్తెలు, అల్లుడు..ఎక్కడ ఉంటారంటే..?

భారత మాజీ ప్రధాని డాక్టర్ మన్మోహన్ సింగ్ 26 డిసెంబర్ 2024న 92 ఏళ్ల వయసులో మరణించారు. వృద్ధాప్య వ్యాధుల కారణంగా ఢిల్లీలోని ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్ (ఎయిమ్స్)లో చేరిన ఆయన నిన్న రాత్రి 9:51 గంటలకు తుది శ్వాస విడిచారు. ఆయన మృతితో అతని కుటుంబంతో సహా దేశంలో విషాద ఛాయలు అలముకున్నాయి.

మన్మోహన్ సింగ్ జీవితం అండ్ చదువు
26 సెప్టెంబరు 1932న గాహ్‌లో (ప్రస్తుతం పాకిస్థాన్‌లో ఉంది) జన్మించిన డాక్టర్ మన్మోహన్ సింగ్ బాల్యం సవాళ్లతో కూడుకున్నది. అతని తల్లి చిన్న వయస్సులోనే మరణించింది, ఆ తర్వాత అతను వాళ్ల అమ్మమ్మ దగ్గర పెరిగాడు. చిన్నతనం నుంచి చదువుపై ఆసక్తి ఉన్న మన్మోహన్ సింగ్ పంజాబ్ యూనివర్శిటీ నుంచి ఎకనామిక్స్‌లో విద్యను అభ్యసించారు. దీని తర్వాత అతను కేంబ్రిడ్జ్ విశ్వవిద్యాలయం నుండి పట్టభద్రుడయ్యాడు. ఆక్స్‌ఫర్డ్ విశ్వవిద్యాలయం నుండి డాక్టర్ ఆఫ్ ఫిలాసఫీ బిరుదు కూడా అందుకున్నారు.

కుటుంబ జీవితం
1958లో మన్మోహన్ సింగ్ గురుశరణ్ కౌర్‌ను పెళ్లి చేసుకున్నారు. గురుశరణ్ కౌర్ హిస్టరీ ప్రొఫెసర్ అండ్ రైటర్. ఈ జంట వారి సింప్లిసిటీకి ఫెమస్. వీరికి ముగ్గురు కుమార్తెలు. ఉపిందర్ సింగ్, దమన్ సింగ్, అమృత్ సింగ్

ఉపిందర్ సింగ్
మన్మోహన్ సింగ్ పెద్ద కూతురు ఉపిందర్ సింగ్ (65) అశోకా యూనివర్సిటీలో హిస్టరీ ప్రొఫెసర్ అండ్ ఫ్యాకల్టీ డీన్. ఉపిందర్ సింగ్ ఢిల్లీ యూనివర్సిటీలో హిస్టరీ విభాగానికి మాజీ అధిపతిగా కూడా ఉన్నారు. సోషల్ సైన్సెస్ విభాగంలో ఉపిందర్ సింగ్ తొలి ఇన్ఫోసిస్ అవార్డును అందుకున్నారు. ఉపిందర్ 'ఏన్షియంట్ ఢిల్లీ' (1999), 'హిస్టరీ ఆఫ్ ఏన్షియంట్ అండ్ ఎర్లీ మెడీవల్ ఇండియా' (2008) సహా ఆరు పుస్తకాలు రాశారు. ఆమె భర్త విజయ్ టంఖా వీరికి ఇద్దరు పిల్లలు ఉన్నారు.

దమన్ సింగ్
మన్మోహన్ సింగ్ రెండవ కుమార్తె దమన్ సింగ్ (61) ఢిల్లీలోని సెయింట్ స్టీఫెన్స్ కాలేజ్ అండ్ గుజరాత్‌లోని ఆనంద్‌లోని ఇన్‌స్టిట్యూట్ ఆఫ్ రూరల్ మేనేజ్‌మెంట్‌లో గ్రాడ్యుయేట్. ఆమె 'ది లాస్ట్ ఫ్రాంటియర్: పీపుల్' & 'ఫారెస్ట్ ఇన్ మిజోరం' & 'నైన్ బై నైన్' నవల రచయిత. ఆమె భర్త అశోక్ పట్నాయక్ 1983 బ్యాచ్ ఇండియన్ పోలీస్ సర్వీస్ (IPS) అధికారి. ఆమె 2016లో నేషనల్ ఇంటెలిజెన్స్ గ్రిడ్ (NATGRID)కి CEOగా నియమితులయ్యారు.వీరికి ఒక కొడుకు కూడా ఉన్నాడు.

అమృత్ సింగ్
చిన్న కూతురు అమృత్ సింగ్ (58) ప్రముఖ మానవ హక్కుల న్యాయవాది. కేంబ్రిడ్జ్ విశ్వవిద్యాలయం, ఆక్స్‌ఫర్డ్ అండ్ యేల్ లా స్కూల్‌లో చదువుకున్నారు. అమృత్ సింగ్ అంతర్జాతీయ మానవ హక్కుల అనేక మైలురాయి కేసులతో పోరాడారు. ప్రస్తుతం ఆమె న్యాయ విద్య, సామాజిక న్యాయ రంగంలో పనిచేస్తున్నారు. ఆమె భర్త గురించిన సమాచారం అందుబాటులో లేదు.

కుటుంబం పట్ల భక్తి
మన్మోహన్ సింగ్ వ్యక్తిగత జీవితంలో కుటుంబం పట్ల ఆయనకున్న గొప్ప ప్రేమకు ఒక ఉదాహరణ. అతని భార్య గురుశరణ్ కౌర్ కుటుంబానికి బలం. ముగ్గురు కుమార్తెలు ఎవరి వారి రంగాల్లో విజయాలు సాధిస్తూ తండ్రి వారసత్వాన్ని ముందుకు తీసుకెళ్తున్నారు.