Maldives Crisis: దివాలా అంచున మాల్దీవులు.. ఇండియాతో పెట్టుకుంటే అంతేగా.. అంతేగా..!

Maldives News: గత ఏడాది మాల్దీవుల్లో కొత్త ప్రభుత్వం ఏర్పాటైన సంగతి తెలిసిందే. అయితే ప్రస్తుతం ఏర్పాటైన ప్రభుత్వం చైనాకు అనుకూలంగా వ్యవహరిస్తున్న సంగతి తెలిసిందే. ఈ క్రమంలో లక్ష్యదీవుల్లో ప్రధాని మోదీ పర్యటించటం పెద్ద వివాదానికి దారితీసిన సంగతి తెలిసిందే. మాల్దీవుల మంత్రులు ప్రధాని పర్యటనను తప్పుపడుతూ పోస్టులు పెట్టడంతో భారతీయ టూరిస్టులు ఆ దేశానికి వెల్లటాన్ని విరమించుకున్నారు.

అయితే భారతీయ టూరిస్టులు గడచిన కొన్ని నెలలుగా మాల్దీవులకు వెళ్లటం తగ్గించటంతో అక్కడి ఆర్థిక వ్యవస్థపై ఆ ప్రభావం ఇప్పుడు కనిపిస్తోంది. తాజాగా మాల్దీవుల ఇస్లామిక్ బాండ్ల విక్రయం తీవ్రమైంది. 2026లో డాలర్-డినామినేటెడ్ సుకుక్ ఈ వారం రికార్డు కనిష్ఠ స్థాయి 70 సెంట్ల దిగువకు పడిపోయింది. దీంతో మాల్దీవుల నుంచి డిఫాల్ట్ ప్రమాదం పెరిగింది. జూన్ నుంచి రెండవ ఫిచ్ డౌన్‌గ్రేడ్‌తో పాటు విదేశీ కరెన్సీ వ్యయాన్ని పరిమితం చేయడానికి బ్యాంక్ ఆఫ్ మాల్దీవ్స్ చేసిన ఇటీవలి ఎత్తుగడలు ఆఫ్‌లోడ్ హోల్డింగ్‌లను రేకెత్తించాయి. సుకుక్ రుణంలో 500 మిలియన్ డాలర్లు 2026లో మెచ్యూర్ అవుతున్నందున అందరి దృష్టి అక్టోబర్ 8న కూపన్ చెల్లింపుపైనే ఉంది.

జూన్‌లో స్థూల నిల్వలు 395 మిలియన్ డాలర్లు ఉన్నప్పటికీ.. వినియోగించదగిన నిల్వలు కేవలం 45 మిలియన్ డాలర్లు మాత్రమేనని తెలుస్తోంది. మాల్దీవుల మానిటరీ అథారిటీ భారతదేశంతో 400 మిలియన్ డాలర్ల కరెన్సీ మార్పిడికి చర్చలు జరుపుతోంది. అయితే ఫిచ్ రేటింగ్ డౌన్‌గ్రేడ్ చేయడం పెరుగుతున్న డిఫాల్ట్ ఆందోళనలను నొక్కి చెబుతోంది. నిల్వలు తగ్గినందున బ్యాంక్ వేసవి ప్రారంభంలో చాలా బాండ్లను విక్రయించినట్లు డాన్స్కే బ్యాంక్‌లోని పోర్ట్‌ఫోలియో మేనేజర్ సోరెన్ మోర్చ్ పేర్కొన్నారు. ఇప్పుడు పరిస్థితులు దారుణంగా ఉన్నాయని ఆయన పేర్కొన్నారు. ముస్లిం దేశాలు మాల్దీవులను సుకుక్ బాండ్‌పై డిఫాల్ట్ చేయడానికి అనుమతిస్తాయా అనేది కీలకమైన ప్రశ్న అని అన్నారు.

పర్యాటక ఆదాయాలు పెరుగుతున్నప్పటికీ.. మాల్దీవులు దిగుమతులతో పాటు డాలర్ పెగ్‌పై ఆధారపడి నిల్వలను పెంచుతూనే ఉంది. చైనా అనుకూలంగా ఉన్న ప్రస్తుత మాల్దీవుల అధ్యక్షుడు మొహమ్మద్ ముయిజ్జు నేతృత్వంలోని పాలక పీపుల్స్ నేషనల్ కాంగ్రెస్ ఈ ఏడాది ప్రారంభంలో పార్లమెంటరీ మెజారిటీని సాధించింది. దీని తర్వాత అక్కడి భౌగోళిక రాజకీయ దృశ్యాన్ని క్లిష్టతరం చేసిందని తెలుస్తోంది. అలాగే కొయిలీ ఫ్రాంటియర్ మార్కెట్స్‌కు చెందిన మసీజ్ వోజ్నికా వంటి కొంతమంది పెట్టుబడిదారులు జాగ్రత్తగా ఉన్నారనే వార్తలు ప్రస్తుతం వినిపిస్తున్నాయి.