కొత్త కస్టమర్లకు మహీంద్రా గుడ్‌న్యూస్, రూ.1 లక్ష ఆరోగ్య బీమా

కరోనా మహమ్మారి సమయంలో ప్రముఖ వాహన తయారీ సంస్థ మహీంద్రా అండ్ మహీంద్రా కొత్త కస్టమర్లకు ఊరట కలిగించే వార్త చెప్పింది. ప్రస్తుత కష్టకాలంలో ట్రాక్టర్లు కొనుగోలు చేసే కొత్త కస్టమర్లకు రూ.1లక్ష ఆరోగ్య బీమాతో పాటు రైతులకు ఉచిత అప్రూవ్డ్ రుణంగా అత్యవసర ఆర్థిక మద్దతు అందించనున్నట్లు ప్రకటించింది.

M-ప్రొటెక్ట్ కొవిడ్ కింద తమ కస్టమర్లు, వారి కుటుంబాలకు కరోనా సోకితే రూ.1లక్ష విలువ చేసే మెడిక్లెయిమ్ పాలసీని అందిస్తున్నట్టు తెలిపింది. హోమ్ క్వారంటైన్ ప్రయోజనం కూడా దీనికి ఉంటుందని తెలిపింది. దురదృష్టవశాత్తు మరణించిన కస్టమర్లకు మహీంద్రా లోన్ సురక్ష పథకం కింద రుణానికి బీమా కూడా వర్తింప చేస్తున్నట్లు తెలిపింది.

దేశవ్యాప్తంగా కరోనా కేసులు భారీగా పెరుగుతోన్న విషయం తెలిసిందే. ప్రతి రోజు 3 లక్షలకు పైగా కొత్త కేసులు నమోదవుతున్నాయి. కరోనా సెకండ్ వేవే ఇప్పటికే తీవ్ర ఆందోళన కలిగిస్తుండగా, థర్డ్ వేవ్ ఇప్పుడే ఆందోళన కలిగిస్తోంది.