Mahindra Cars: దీపావళి భారీ డిస్కౌంట్ సేల్.. మహీంద్రా కార్లపై కళ్లు చెదిరే ఆఫర్లు..

Mahindra Cars: దీపావళి దగ్గర పడింది. దీంతో దేశంలోని ప్రముఖ కార్ల తయారీ సంస్థ మహీంద్రా అండ్ మహీంద్రా తన వాహనాలపై గరిష్ఠంగా రూ.3.05 లక్షల వరకు తగ్గింపులను ప్రకటించింది.

ప్రస్తుతం కంపెనీ XUV400, XUV300, Bolero, Bolero Neo, Marazzo మోడళ్లపై తగ్గింపులను అందుబాటులోకి తీసుకొచ్చింది. ఇదే సమయంలో బెనిఫిట్ స్కీమ్ నుంచి XUV700, Scorpio-N, Scorpio Classic, Thar మోడళ్లను ఈనెల అందిస్తున్న ఆఫర్ల నుంచి పక్కన పెట్టినట్లు మహీంద్రా గ్రూప్ ప్రకటించింది. దీంతో కొత్త కారు కొనాలనుకునే వారిలో సంతోషం వెల్లివిరుస్తోంది.

Mahindra XUV400:దేశంలో ప్రస్తుతం ఎలక్ట్రిక్ కార్లకు ఆదరణ విపరీతంగా పెరుగుతోంది. ఈ క్రమంలో నవంబర్ మాసంలో కంపెనీ తన XUV400 అత్యంత ముఖ్యమైన డిస్కౌంట్‌లతో ప్రత్యేకంగా నిలిచింది. ఇదే సెగ్మెంట్‌లోని Tata Nexon EVతో పోటీపడే ఈ ఎలక్ట్రిక్ SUVని కొనుగోలు చేయాలనుకునే వాహన ప్రియులకు వివిధ వేరియంట్లపై రూ.1.5 లక్షల నుంచి రూ.3.5 లక్షల వరకు తగ్గింపును అందిస్తోంది. XUV400 టాప్-ఎండ్ E వేరియంట్‌కి అత్యధిక ప్రయోజనం, మిడ్-ట్రిమ్ వేరియంట్ రూ.3 లక్షల ప్రయోజనాన్ని, ఎంట్రీ-లెవల్ EC వేరియంట్ అత్యల్ప ప్రయోజనాలను కలిగి ఉన్నాయి.

Mahindra XUV300:దీపావళి నెలలో మహీంద్రా గ్రూప్ అతి చిన్న SUV XUV300 వేరియంట్‌పై రూ.1.2 లక్షల వరకు తగ్గింపును అందిస్తోంది. ఈ ప్రయోజనాలు W8, W6 వేరియంట్‌లపై అందుబాటులో ఉంది. టాప్-ఎండ్ W8 వేరియంట్‌కు రూ.95,000, W6 వేరియంట్ రూ.80,000 తగ్గింపుతో అందుబాటులో ఉన్నాయి. ఇందులో రూ.25,000 విలువైన మహీంద్రా నుంచి కాంప్లిమెంటరీ అధికారిక స్పేర్స్ కూడా ఉన్నాయి.

Mahindra Bolero, Bolero Neo:మహీంద్రా బొలెరో, బొలెరో నియో SUVలపై రూ.70,000 వరకు తగ్గింపులను కంపెనీ దీపావళి నెలలో అందిస్తోంది. B6 వేరియంట్ రూ.35,000 వరకు, బొలెరో కోసం ఎంట్రీ-లెవల్ B4 వేరియంట్ రూ.50,000 వరకు ప్రయోజనాలతో పాటు అదనంగా రూ.20,000 విలువైన కాంప్లిమెంటరీ యాక్సెసరీస్‌ కంపెనీ అందిస్తోంది. ఇదే క్రమంలో బోలెరో నియో SUV మూడు వేరియంట్‌లలో రూ. 50,000 వరకు తగ్గింపులను అందిస్తుంది. టాప్-ఎండ్ N10 వేరియంట్‌కు అత్యధిక ప్రయోజనం అందుబాటులో ఉంది. ఇక చివరిగా మహీంద్రా గ్రూప్ తన Marazzo అన్ని వేరియంట్‌లకు వర్తించే మొత్తంలో రూ.58,300 తగ్గింపులను వినియోగదారులకు అందిస్తోంది.