ICICI Prudential: ICICI ఇన్సూరెన్స్ విభాగానికి బిగ్ షాక్.. దాదాపు 7 కోట్ల ఫైన్..

ICICI Prudential: బ్యాంకింగ్‌ తో పాటు ICICI పలు రకాల సేవలను అందిస్తోంది. వాటిలో బీమా రంగం ఒకటి. ICICI ప్రుడెన్షియల్ లైఫ్ ఇన్యూరెన్స్ పేరిట వినియోగదారులకు వివిధ ఇన్యూరెన్స్ సర్వీసెస్ ఆఫర్ చేస్తోంది. అయితే మహారాష్ట్ర ప్రభుత్వం ఈ విభాగానికి పెద్ద షాక్ ఇచ్చినట్లు తెలుస్తోంది.

ICICI ప్రుడెన్షియల్ లైఫ్ ఇన్సూరెన్స్ కంపెనీ లిమిటెడ్‌కు మహారాష్ట్ర GST విభాగం గట్టి షాక్ ఇచ్చింది. ఆ శాఖ డిప్యూటీ కమిషనర్.. దాదాపు 6.90 కోట్ల జరిమానా విధించినట్లు కంపెనీ ఎక్స్ఛేజ్ ఫైలింగ్‌ లో పేర్కొంది. అయితే నిర్ణీత గడువులోగా కమిషనర్(అప్పీల్స్) వద్ద అప్పీల్ దాఖలు చేయనున్నట్లు ప్రకటించింది.

GST పోర్టల్‌లోని ఫారమ్ GSTR-2A మరియు GSTR-3Bలో క్లెయిమ్‌కి సంబంధించి ఇన్‌పుట్ టాక్స్ క్రెడిట్‌ తో సరిపోలనందున ఈ పైన్ విధించినట్లు తెలుస్తోంది. ఇందుకు సంబంధించి వడ్డీతో పాటు జరిమానా చెల్లించాలని GST అథారిటీ డిమాండ్ చేస్తోంది. ఇందులో సుమారుగా GST 3.3 కోట్లు కాగా.. వడ్డీ 3.23 కోట్లు, జరిమానా 33.27 లక్షలు పే చేయాలని తేల్చి చెప్పింది.

వస్తు, సేవల పన్ను క్రెడిట్ లో అసమతుల్యత కారణంగా రాష్ట్ర GST విభాగం ఇలా కొరడా ఝళిపించింది. ఇదిలా ఉండగా, సోమవారం కంపెనీ షేరు విలువ 1.08 శాతం పెరిగి.. చివరికి 601.40 వద్ద సెటిల్ కావడం విశేషం.