క్రిప్టో కరెన్సీ ఆస్తిగా గుర్తించిన మద్రాస్ హైకోర్ట్... ఇది డిజిటల్ ఆస్తుల భవిష్యత్తులో కొత్త అధ్యాయం

క్రిప్టోకరెన్సీ, వర్చువల్ ఆస్తుల ప్రపంచంలో కొత్త అధ్యాయం. క్రిప్టోకరెన్సీలు పాపులర్ అవుతున్నా, వాటి చట్టపరమైన హక్కులు స్పష్టంగా లేవు. ముఖ్యంగా, సైబర్ మోసాలు పెరుగుతూ, పెట్టుబడిదారులు భయపడుతున్నారు. ఇప్పుడు మద్రాస్ హైకోర్ట్ క్రిప్టోకరెన్సీని ఆస్తిగా గుర్తిస్తూ, పెట్టుబడిదారులకు భరోసా ఇచ్చింది. ఈ తీర్పు డిజిటల్ ఆస్తుల భవిష్యత్తును మార్చేలా ఉంది.

తాజా తీర్పులో మద్రాస్ హైకోర్ట్ క్రిప్టోకరెన్సీని "ఆస్తి"గా గుర్తించింది. దీని అర్ధం ఏమంటే, డిజిటల్ ఆస్తులు కూడా ఇప్పుడు భారత చట్టం కింద రక్షణ, యాజమాన్యం, హక్కులు పొందగలవు. జస్టిస్ ఎన్. ఆనంద్ వెంకటేశ్ చెప్పినట్టు "క్రిప్టో కరెన్సీలు ఉదాహరణకు XRP భౌతికంగా ఉండవు కానీ వాటిని మీరు కలిగి ఉండవచ్చు, ఉపయోగించవచ్చు. కాబట్టి ఇవి ఆస్తి లక్షణాలు కలిగి ఉన్నవి.

ఈ తీర్పు ఒక పెట్టుబడిదారుడి పిటిషన్ పై వచ్చింది. ఆమె 3,532.30 XRP టోకెన్లు, విలువ రూ. 1.98 లక్ష, 2024 జూలైలో WazirX క్రిప్టో ఎక్స్చేంజ్‌ పై జరిగిన పెద్ద సైబర్ హ్యాక్ తర్వాత ఫ్రీజ్ అయ్యాయి. ఆ హ్యాక్ Ethereum, ERC-20 టోకెన్లను లక్ష్యంగా చేసుకుని $230 మిలియన్ నష్టం కలిగించింది.

ఒక పెట్టుబడిదారు తన XRP క్రిప్టో హోల్డింగ్స్ హ్యాక్ అయిన టోకెన్లతో కలిసిపోకుండా రక్షించబడాలి అని వాదించారు. ఆమె Arbitration and Conciliation Act, 1996 సెక్షన్ 9 కింద WazirX నుంచి రక్షణ కోరింది. దీనిపై WazirX (Zanmai Labs) వాదనలో, సింగపూర్ కోర్ట్ ఆదేశాల ప్రకారం, అన్ని యూజర్లు నష్టాలను సమూహంగా భరించాలి అని చెప్పింది. అయితే, జస్టిస్ వెంకటేశ్ స్పష్టంగా చెప్పారు సైబర్ అటాక్‌కి లోనైనవి ERC-20 టోకెన్లు మాత్రమే, పెట్టుబడిదారుడి వద్ద ఉన్నవి కాదు. అందువల్ల, ఆమె ఆస్తులు భద్రమే అని చెప్పారు.

మద్రాస్ హైకోర్ట్ ఈ కేసులో హైకోర్ట్ జురిస్డిక్షన్ ఆబ్జెక్షన్లను కూడా తిరస్కరించింది. దీని అర్థం ఏమిటంటే, WazirX వాదించినట్లు భారత్‌లో కోర్ట్ వద్ద ఈ కేసును చెప్పే వాదనను హైకోర్ట్ ఒప్పుకోదు. PASL Wind Solutions v, GE Power Conversion India (2021) సుప్రీం కోర్ట్ తీర్పు ప్రకారం, భారతదేశ కోర్ట్స్‌లో ఉన్న ఆస్తులను రక్షించవచ్చని స్పష్టంగా ఉంది. ఇందులో, పెట్టుబడిదారు చేసిన లావాదేవీలు చెన్నైలో జరిగాయి మరియు భారత బ్యాంక్ ద్వారా పూర్తి అయ్యాయి. అందువల్ల, ఈ కేసు మద్రాస్ హైకోర్ట్ పరిధిలోనే వస్తుంది మరియు అక్కడే దీని పై తీర్మానం తీసుకోవచ్చు.

తీర్పులో జస్టిస్ వెంకటేశ్ Income Tax Act సెక్షన్ 2(47A)ని ప్రస్తావించారు, దీని ప్రకారం క్రిప్టోకరెన్సీ "వర్చువల్ డిజిటల్ ఆస్తులు"గా గుర్తించబడింది. ఆయన Web3 ప్లాట్‌ఫారమ్‌లకు కఠినమైన గవర్నెన్స్, స్వతంత్ర ఆడిట్‌లు, కస్టమర్ ఫండ్ సెగ్రిగేషన్, కఠిన KYC/AML నియమాలు అవసరమని కూడా చెప్పారు. ఈ తీర్పుతో డిజిటల్ ఆస్తులపై పెట్టుబడిదారుల హక్కులు భద్రమవుతాయని, మోసపోవడం తగ్గుతుందని, అలాగే Web3 ప్లాట్‌ఫారమ్‌లు కచ్చితమైన నియంత్రణకు లోనవుతాయని నిపుణులు విశ్లేషిస్తున్నారు.