Just In
Don't Miss
-
Brahmamudi April 26th episode: నా కూతురుకు అడ్డుకొనే పరిస్థితి రానివ్వను.. కనకం ఫైర్ -
ఈసారి అక్షయ తృతీయ నాడే బోలెడు శుభయోగాలు.. ఇలా చేసినవారికి ధనయోగం -
SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్ -
ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు.. -
OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..! -
వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం -
కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పదింట 7 కంపెనీల మార్కెట్ క్యాప్ రూ.1.62 లక్షల కోట్లు జంప్
ముంబై: గతవారం టాప్ టెన్ కంపెనీల్లోని ఏడు సంస్థల మార్కెట్ క్యాపిటలైజేషన్ రూ.1.62 లక్షల కోట్లు పెరిగింది. అక్షరాలా వీటి మార్కెట్ క్యాప్ రూ.1,62,774.49 కోట్లు ఎగిసింది. ప్రధానంగా రిలయన్స్ ఇండస్ట్రీస్ లిమిటెడ్, బజాజ్ ఫైనాన్స్ మార్కెట్ క్యాప్ భారీగా పెరిగింది. గతవారం బీఎస్ఈ 30 స్టాక్ సూచీ 903.91 పాయింట్లు లేదా 1.88 శాతం ఎగిసింది. కాగా, అంతకుముందు వారం టాప్ 10 కంపెనీల్లోని తొమ్మిదింటి మార్కెట్ క్యాపిటలైజేషన్ రూ.1.33 లక్షల కోట్లు క్షీణించింది.
మార్కెట్ క్యాప్ జంప్
రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.57,086.67 కోట్లు ఎగిసి రూ.12,64,369.99 కోట్లకు చేరుకుంది.
బజాజ్ ఫైనాన్స్ మార్కెట్ క్యాప్ రూ.47,526.08 కోట్లు ఎగిసి రూ.3,28,639.08 కోట్లుగా ఉంది.
ICICI బ్యాంకు ఎం-క్యాప్ రూ.21,033.34 కోట్లు పెరిగి రూ.4,15,348.35 కోట్లుగా నమోదయింది.
ప్రభుత్వరంగ దిగ్గజం స్టేట్ బ్యాంకు ఆఫ్ ఇండియా(SBI) మార్కెట్ క్యాప్ రూ.15,171.83 పెరిగి రూ.3,15,440.39 కోట్లుగా నమోదయింది.
హిందూస్తాన్ యూనీలీవర్ మార్కెట్ క్యాప్ రూ.10,761.02 కోట్లు ఎగిసి రూ.5,53,053.02 కోట్లుగా ఉంది.
ఇన్ఫోసిస్ మార్కెట్ క్యాప్ గతవారం రూ.8,559.71 కోట్లు పెరిగి రూ.5,76,867.96 కోట్లుగా నమోదయింది.
కొటక్ మహీంద్రా బ్యాంకు ఎం-క్యాప్ రూ.2,635.84 కోట్లు పెరిగి రూ.3,46,543.78 కోట్లకు చేరుకుంది.
ఈ కంపెనీల మార్కెట్ క్యాప్ డౌన్
దేశీయ రెండో అతిపెద్ద సంస్థ టీసీఎస్, HDFC, HDFC బ్యాంకుల మార్కెట్ క్యాప్ మాత్రం భారీగా క్షీణించింది.
టాటా కన్సల్టెన్సీ సర్వీసెస్ (TCS) మార్కెట్ క్యాప్ రూ.26,411.23 కోట్లు తగ్గి రూ.11,23,919.77 కోట్లకు చేరుకుంది.
HDFC మార్కెట్ క్యాపిటలైజేషన్ రూ.13,917.44 కోట్లు క్షీణించి రూ.4,36,582.10 కోట్లుగా నమోదయింది.
HDFC బ్యాంకు ఎం-క్యాప్ రూ.821.01 కోట్లు తగ్గి రూ.7,78,850.97 కోట్లకు క్షీణించింది.
టాప్ 10 కంపెనీలు
టాప్ టెన్ కంపెనీల విషయానికి వస్తే రిలయన్స్ ఇండస్ట్రీస్ అగ్రస్థానాన్ని నిలబెట్టుకుంది. ఆ తర్వాత టీసీఎస్, HDFC బ్యాంకు, ఇన్ఫోసిస్, హిందూస్తాన్ యూనీ లీవర్ లిమిటెడ్, HDFC, ICICI బ్యాంకు, కొటక్ మహీంద్రా బ్యాంకు, బజాజ్ ఫైనాన్స్, స్టేట్ బ్యాంక్ ఆఫ్ ఇండియా ఉన్నాయి.
