టాప్ టెన్‌లోని 8 కంపెనీల మార్కెట్ క్యాప్ రూ.72వేల కోట్లు జంప్

| Published: Sunday, March 14, 2021, 19:48 [IST]

ముంబై: టాప్ 10లోని 8 కంపెనీ మార్కెట్ క్యాపిటలైజేషన్ గతవారం రూ.72,442 కోట్లు పెరిగింది. అంతకుముందు వారం కూడా ఈ కంపెనీల మార్కెట్ క్యాపిటలైజేషన్ భారీగా పెరిగింది. అంతకుముందు వరుసగా రెండు వారాల పాటు క్షీణించిన మార్కెట్ ఈ రెండు వారాలుగా పెరుగుతోంది. బడ్జెట్ అనంతరం భారీగా లాభపడిన మార్కెట్లు, ఆ తర్వాత నష్టపోయి, తిరిగి లాభాల్లోకి రావడంతో పాటు ఆల్ టైమ్ గరిష్టానికి సమీపంలో ఉన్నాయి. అంతకుముందు వారం టాప్ 10లోని ఎనిమిది కంపెనీల మార్కెట్ క్యాప్ రూ.1.94 లక్షల కోట్లు పెరగగా, ఈసారి మాత్రం రూ.72వేల కోట్లు పెరిగింది.

ఈ కంపెనీల మార్కెట్ క్యాప్ జంప్

భారీగా లాభపడిన కంపెనీల్లో ఇన్ఫోసిస్ ఉంది. నష్టపోయిన కంపెనీల్లో రిలయన్స్ ఇండస్ట్రీస్, ఎస్బీఐ ఉన్నాయి.

ఇన్ఫోసిస్ మార్కెట్ క్యాపిటలైజేషన్ రూ.24,962.94 కోట్లు పెరిగి రూ.5,85,564.20 కోట్లకు చేరుకుంది.

టాటా కన్సల్టెన్సీ సర్వీసెస్ (TCS) ఎం-క్యాప్ రూ.18,458.26 కోట్లు పెరిగి రూ.11,30,763.01 కోట్లకు చేరుకుంది.

HDFC బ్యాంకు మార్కెట్ క్యాప్ రూ.12,123.8 కోట్లు పెరిగి రూ.8,55,086.25 కోట్లకు చేరుకుంది.

బజాజ్ ఫైనాన్స్ మార్కెట్ క్యాపిటలైజేషన్ రూ.6,643.53 కోట్లు పెరిగి రూ.3,34,716.18 కోట్లకు చేరుకుంది.

HDFC మార్కెట్ క్యాపిటలైజేషన్ రూ.4,435.47 కోట్లు ఎగిసి రూ.4,62,992.20 కోట్లకు చేరుకుంది.

ఐసీఐసీఐ బ్యాంకు ఎం-క్యాప్ రూ.2,230.82 కోట్లు పెరిగి రూ.4,23,733.91 కోట్లకు చేరింది.

హిందూస్తాన్ యూనీలీవర్ మార్కెట్ క్యాప్ రూ.939.82 కోట్లు పెరిగి రూ.5,18,265.12 కోట్లకు చేరుకుంది.

ఈ కంపెనీల మార్కెట్ క్యాప్ డౌన్

రిలయన్స్ ఇండస్ట్రీస్ మార్కెట్ క్యాప్ రూ.25,294.37 కోట్లు క్షీణించి రూ.13,55,784.49 కోట్లకు పడిపోయింది.

స్టేట్ బ్యాంక్ ఆఫ్ ఇండియా ఎం-క్యాప్ రూ.25,294.37 కోట్లు తగ్గి రూ.3,40,206.19 కోట్లకు పడిపోయింది.

మార్కెట్ క్యాప్

మార్కెట్ క్యాపిటలైజేషన్ పరంగా రిలయన్స్ ఇండస్ట్రీస్ ముందుంది. ఆ తర్వాత వరుసగా TCS, HDFC బ్యాంకు, ఇన్ఫోసిస్, హిందూస్తాన్ యూనీలీవర్ లిమిటెడ్, HDFC, ICICI బ్యాంకు, కొటక్ మహీంద్రా బ్యాంకు, స్టేట్ బ్యాంక్ ఆఫ్ ఇండియా, బజాజ్ ఫైనాన్స్ ఉన్నాయి.