టాప్ 10లోని ఎనిమిది కంపెనీల మార్కెట్ క్యాప్ రూ.1.51 లక్షల కోట్లు జంప్

టాప్ 10లోని ఎనిమిది కంపెనీల మార్కెట్ క్యాపిటలైజేషన్ గతవారం రూ.1,51,456.45 కోట్లు పెరిగింది. అతిపెద్ద గెయినర్‌గా ఐటీ దిగ్గజం టాటా కన్సల్టెన్సీ సర్వీసెస్ (TCS) నిలిచింది. గతవారం 30 షేర్ బీఎస్ఈ సెన్సెక్స్ 1444.59 పాయింట్లు లేదా 2.52 శాతం ఎగిసింది. గతవారంలో ఫిబ్రవరి 1న కేంద్ర ఆర్థికమంత్రి నిర్మలా సీతారామన్ 2022-23 ఆర్థిక సంవత్సరానికి గాను బడ్జెట్‌ను ప్రవేశపెట్టారు. బడ్జెట్‌కు ముందు, తర్వాత సూచీలు పరుగులు పెట్టాయి. అయితే చివరి సెషన్‌లలో మాత్రం ప్రాఫిట్ బుకింగ్ కారణంగా మార్కెట్లు నష్టపోయాయి. అయితే వారం మొత్తానికి సూచీలు భారీగానే లాభపడ్డాయి. అంతకుముందు టాప్ 10లోని తొమ్మిది కంపెనీల మార్కెట్ క్యాప్ గతవారం రూ.3,09,178.44 కోట్లు క్షీణించింది.

ఈ కంపెనీల మార్కెట్ క్యాప్ జంప్

టీసీఎస్ మార్కెట్ క్యాప్ రూ.46,016.2 కోట్లు ఎగిసి రూ.14,11,058.63 కోట్లకు చేరుకుంది.

HDFC బ్యాంకు మార్కెట్ క్యాప్ రూ.33,861.41 కోట్లు లాభపడి రూ.8,44,922.53 కోట్లకు చేరుకుంది.

ఇన్ఫోసిస్ మార్కెట్ క్యాప్ రూ.23,425.29 కోట్లు ఎగిసి రూ.4,67,069.54 కోట్లకు చేరుకుంది.

బజాజ్ ఫైనాన్స్ మార్కెట్ క్యాప్ రూ.17,226.59 కోట్లు ఎగిసి రూ.4,31,926.08 కోట్లకు చేరుకుంది.

ఐసీఐసీఐ మార్కెట్ క్యాప్ రూ.16,601.55 కోట్లు ఎగిసి రూ.5,59,009.41 కోట్లకు చేరుకుంది.

ఎస్బీఐ మార్కెట్ క్యాప్ రూ.6,113.36 కోట్లు ఎగిసి రూ.4,73,182.90 కోట్లకు చేరుకుంది.

హిందూస్తాన్ యూనీలీవర్ లిమిటెడ్ మార్కెట్ క్యాప్ రూ.5,850.48 కోట్లు ఎగిసి రూ.5,42,262.17 కోట్లకు చేరుకుంది.

భారతీ ఎయిర్‌టెల్ మార్కెట్ క్యాప్ రూ.2,361.57 కోట్లు ఎగిసి రూ.3,95,535.80 కోట్లకు చేరుకుంది.

ఇవి నష్టాల్లో...

- HDFC మార్కెట్ క్యాపిటలైజేషన్ రూ.2,870.45 కోట్లు తగ్గి రూ.4,53,231.97 కోట్లకు పడిపోయింది.

- రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.2,396.57 కోట్లు తగ్గి రూ.15,77,382.90 కోట్లకు పడిపోయింది.

టాప్ టెన్ కంపెనీలు

టాప్ టెన్ కంపెనీల విషయానికి వస్తే రిలయన్స్ ఇండస్ట్రీస్, టీసీఎస్, HDFC బ్యాంకు, ఇన్ఫోసిస్, ICICI బ్యాంకు, హిందూస్తాన్ యూనీలీవర్, స్టేట్ బ్యాంక్ ఆఫ్ ఇండియా, HDFC, బజాజ్ ఫైనాన్స్, భారతీ ఎయిర్టెల్ ఉన్నాయి.