LPG price: సామాన్యుడిపై బాదుడే.. మరోసారి పెరిగిన గ్యాస్ సిలిండర్లు ధర.. ఏ నగరంలో ఎంత ఏంటంటే..

సామాన్యులకు ఆందోళన కలిగించే వార్త వెలుగులోకి వచ్చింది. ఇప్పటికే ద్రవ్యోల్బణంతో బాధపడుతున్న ప్రజలకు మరో దెబ్బ తగిలింది. ఈరోజు మార్చి 1వ తేదీ. ప్రతినెల మొదటి రోజున ఇండియన్ ఆయిల్ (IOC), హిందూస్తాన్ పెట్రోలియం (HPCL), భారత్ పెట్రోలియం (BPCL) వంటి పెట్రోలియం కంపెనీలు LPG గ్యాస్ సిలిండర్ల ధరలను సమీక్షిస్తాయి.

దేశంలోని అతిపెద్ద పెట్రోలియం కంపెనీ ఇండియన్ ఆయిల్ నుండి అందిన సమాచారం ప్రకారం నేటి నుండి వాణిజ్య గ్యాస్ సిలిండర్లు అంటే 19 కిలోల గ్యాస్ సిలిండర్ల ధరలలో స్వల్ప పెరుగుదల కనిపించింది.దింతో సిలిండర్‌కు ఆరు రూపాయలు పెరిగింది. ఫిబ్రవరిలో ఎల్పీజీ సిలిండర్ ధర రూ.7 వరకు తగ్గడం గమనార్హం. ఇప్పటికే ద్రవ్యోల్బణంతో బాధపడుతున్న ప్రజలపై ఈ పెంపు తీవ్ర ప్రభావాన్ని చూపుతుంది.

కొత్త ధర ఎంత?

సమాచారం ప్రకారం, ఈరోజు అంటే 1 మార్చి 2025 నుండి ఢిల్లీలో 19 కిలోల LPG సిలిండర్ ధర రూ.1803. అంతకుముందు, ఫిబ్రవరి నెలలో దీని ధర రూ. 1797. ఈ ఏడాది జనవరిలో కమర్షియల్ సిలిండర్ రూ.1804.

ఇతర మహానగరాలలో ధర ఎంత?
నేటి నుంచి కోల్‌కతాలో వాణిజ్య గ్యాస్ సిలిండర్ ధర రూ.1,913కి చేరుకుంది. అంతకుముందు దాని ధర అక్కడ రూ. 1,907 ఉండేది. అదేవిధంగా, ముంబైలో వాణిజ్య LPG సిలిండర్ ధర ఇప్పుడు రూ.1,755.50కి చేరుకుంది. గత ఫిబ్రవరిలో రూ.1,749.50గా ఉంది. చెన్నైలో స్వల్పంగా పెరిగి రూ.1,918కి చేరుకుంది. తెలంగాణలోని హైదరాబాద్‌లో 19 కిలోల LPG గ్యాస్ సిలిండర్ ధర సుమారు రూ.2,023గా ఉంది.

14 కిలోల LPG సిలిండర్ ధర ఎంత?

సాధారణంగా వంటింట్లో ఉపయోగించే గ్యాస్ సిలిండర్ 14 కిలోలు ఉంటుంది. ఈరోజు ఇండియన్ ఆయిల్ సహా అన్ని పెట్రోలియం కంపెనీలు దేశీయ LPG సిలిండర్ ధరలో ఎటువంటి మార్పు చేయలేదు. ఢిల్లీలో సిలిండర్ ధర రూ. 803, కోల్‌కతాలో రూ. 829, ముంబైలో రూ.802.50. దక్షిణాది రాష్ట్రమైన తమిళనాడు రాజధాని చెన్నైలో దీని ధర రూ. 818.50, హైదరాబాద్లో రూ.855, వరంగల్ రూ.874, విశాఖపట్నం రూ.811, విజయవాడ రూ.827, గుంటూరు రూ.827