LPG Refill: సిలిండర్ కస్టమర్లకు గుడ్‌న్యూస్, ఏ గ్యాస్ ఐనా బుక్ చేయవచ్చు!

గ్యాస్ సిలిండర్ వినియోగదారులకు శుభవార్త. మున్ముందు ఎల్పీజీ గ్యాస్ వినియోగదారులు తమకు నచ్చిన డిస్ట్రిబ్యూటర్ నుండి రీఫిల్ సిలిండర్లను పొందవచ్చును ఈ మేరకు పెట్రోలియం, సహజవాయువు మంత్రిత్వ శాఖ గురువారం ఓ ప్రకటన చేసింది. ఈ సదుపాయాన్ని ప్రస్తుతం చండీగ‌ఢ్, కోయంబత్తూర్, గుర్గావ్, పూణే, రాంచీ నగరాలల్లో పైలట్ ప్రాజెక్టుగా చేపడుతోంది. త్వరలో ఈ సదుపాయం దేశవ్యాప్తంగా అమలుచేసే దిశగా చర్యలు చేపడుతోంది.

ఇంట్లో గ్యాస్ అయినపోయన సందర్భాల్లో గ్యాస్ ఏజెన్సీకి ఫోన్ చేస్తే ఆ సంస్థ సేవలు అందుబాటులో లేకుంటే ఇతర సంస్థల సేవలు ఇబ్బందికరంగా మారుతాయి. అయితే భవిష్యత్తులో ఈ ఇబ్బందులు రాకుండా కేంద్ర ప్రభుత్వం కసరత్తు చేస్తోంది. ఇందులో భాగంగా తమకు నచ్చిన ఎల్పీజీ డిస్ట్రిబ్యూటర్ దగ్గరి నుండి సిలిండర్‌ను తెప్పించుకునే అవకాశాలపై కసరత్తును ముమ్మరం చేసింది.

ప్రభుత్వ చమురు మార్కెటింగ్ రంగ సంస్థలు BPCL, HPCL, IOCలతో జతకట్టి రాష్ట్రాలలో 21,000 ఇప్పటి వరకు ఎల్పీజీ కేంద్రాలను ఓపెన్ చేసినట్లు సీఎస్సీ ఎస్పీవీ డైరక్టర్ దినేష్ త్యాగి తెలిపారు. అలాగే దేశవ్యాప్తంగా మార్చి 2022 నాటికి గ్రామీణ, పట్టణ ప్రాంతాలపై దృష్టి సారించి దాదాపు ఒక లక్ష ఎల్పీజీ పంపిణీ కేంద్రాలను ఏర్పాటు చేయాలని కేంద్ర ప్రభుత్వం యోచిస్తున్నట్లు తెలిపారు.